بتدور علي ايه يامعلم. سجل معانا وانته هتلاقى كل الى انته عاوزه



 
الرئيسيةاحلى حبالتسجيلدخول

شاطر | 
 

 يوميات عمر و سارة (2)

اذهب الى الأسفل 
انتقل الى الصفحة : 1, 2, 3  الصفحة التالية
كاتب الموضوعرسالة
????
زائر



مُساهمةموضوع: يوميات عمر و سارة (2)   الأربعاء مارس 17, 2010 5:09 am

الحلقة الاولى (يوم الزفاف)


أخيرا أصبحت فى شقتى – عشى الصغير احساس جميل ان يكون للبنت بيت خاص
اختارت فيه كل ركن وكل جزء على ذوقها الخاص تفعل فيه ما تريد وتشعر بالفعل انها
ملكة متوجة – اخيرا انتهت الترتيبات والمشاوير والسهر والخناقات من اجل فرش هذا العش الرائع الصغير – اخيرا انتهى ضجيج الفرح
وتفحص المعازيم فى كأنى هابطة من المريخ وكل واحدة من عواجيز الفرح تمصمص شفايفها
وتقول ( مش كانت بنتى احسن ؟ ) – تعبت جدا من حمل الفستان الثقيل والحذاء الضيق –
سبحان الله هو كل احذية العرايس بتكون ضيقة ليه ؟ واخيرا اخيرا ح اكون لوحدى – ايه ده صوت عمر بيقول ( مدام عمر
اجمع عندى بالخطوة السريعة
) ! مدام ؟ انا يا بيه ؟؟

- ايه يا ستى سرحانة فى ايه ده
كله ؟؟؟ هو علشان مفيش حد فى جمالك النهاردة يبقى خلاص ؟ لا يا هانم انا لما انده
عليكى تيجى قبل ما انده مفهوم ؟ وبعدين فين القطة علشان ادبحهالك ؟


-انت عاوز تاكل قطط
النهاردة ولا ايه ؟ لو دبحتها ح اطبخهالك فورا !
- تطبخيها ؟
بنات اخر زمن يعنى مش خايفة منى ؟


- لا مش خايفة
فرحانة جدا وانت ؟

- انا أسعد انسان فى الدنيا .... اول مرة بنتكلم انا
وانتى من غير الف محرم وعزول فى بيتنا الجميل بجد البيت رائع ذوقك طلع يجنن يا سارة
لما كل حاجة اتفرشت واجمل ما فيه ان حبيبتى فيه – لا لا مفيش كسوف خالص خلصنا
الحدوتة دى – شوفى انا باقول علشان ربنا يكرمنا فى حياتنا نصلى انا وانتى ركعتين
نبدأفيهم حياتنا علشان ربنا يبارك لنا كل خطوة ماشى ؟


- ماشى يا حبييبى
........
- حبيبى؟
لا يا ستى قومى غيرى هدومك واتوضى احسن كده مش مصليين خالص


قمت ودخلت حجرة النوم ولا أدرى عندما دخلتها لماذا
ارتجفت ؟؟ الله يسامح كل البنات اللى رعبونا لما اتجوزوا ليه يعنى هى حرب ؟ انا مش
ح افكر فى حاجة علشان ما اديهاش عياط من اولها ...

يا خبر ايه كل الجيبونات اللى فى الفستان دى انا كنت
شايلة حديد زى المصارعين مش فستان ... لازم يعذبوا البنات فى كل شىء والله حرام
الغلب ده ... غيرت الفستان باعجوبة وارتديت عباءة جميلة مطرزة ولم أجرؤ ان ارتدى
الطقم الذى اوصتنى أمى ان أرتديه... العالم دى بتهرج أكيد !

وتوضئت فى حمام غرفة النوم وأزلت ماكياج الفرح
وأسدلت شعرى ليراه عمر لأول مرة وخرجت له لأجده غير البدلة وارتدى البيجاما التى
أوصانى العالم كله ان أهديها له وكأن الجوازة ستفشل لو لم تهدى العروس عريسها
بيجاما يوم الزفاف وسيكتب الخبر فى الصفحة الاولى وجدته ينظر لى نظرة كلها اعجاب
وحب واستقبلنى مهللا ( انا عرفت دلوقت ليه الحجاب فرض لو كنتى
بتخرجى بشعرك الجميل ده كانت حصلت مظاهرة .. يالا يا ستى نصلى أحسن كده مش ح ينفع
خالص
)

وصليت وراء زوجى لأول مرة واحسست احساس رائع ان زوجى
الامام وان الله شاهد علينا ونحن نبتهل بين يديه ان يرزقنا السعادة والتوفيق ودعا
عمر دعاء طويل وأمنت عليه وانا أدعو من قلبى ان يحقق الله كل كلمة فيه وان يكون
زوجى الحبيب حبيبا طوال العمر والا يفرقنا الا الموت والا يدخل الشيطان بيننا ابدا
..

وانهينا الصلاة وجلسنا واحتضن عمر يدى فى يده لأول مرة فارتجفت وظهر على
ارتباكى وصاحبنى خوفى وواضح ان خوفى كان ظاهر على وكأن عمر قرأ أفكارى فوجدته يحنو
على ويقول :
ايه يا سارة الرعب ده كله .. ايه يا حبيبتى هى حرب؟ ما تخافيش من اى
حاجة خالص ... لو كانت الارتباط مفزع كده ما كانش الاسلام سمى الليلة دى ليلة
البناء - يعنى الزوجين بيبنوا حياتهم فى الليلة دى- وكان سماها ليلة الحرب العالمية
مش كده ويا ستى علشان تطمنى انا عاوز اتكلم معاكى واستمتع ان انا وانتى لوحدنا لأول
مرة ماشى يا قمر ؟
.

أحسست بجبل أزيح من فوق صدرى وشكرت تفهم عمر
ورقته المتناهية وتحدثنا طويلا طويلا كأن طوال عمرى لم أتحدث وكان أعذب حديث شعرت
به فى حياتى أتكلم مع زوجى حبيبى وفتحت له قلبى وسقط حاجز الخجل منى وفتحت قلبى
وأخرجت كنز المشاعر التى كنت أخبؤها من يوم ان تشكلت أنثى الى اليوم وأعطيتها الى
الرجل الذى ارتبطت به ووقتها عرفت عظمة الاسلام فى تحريم العلاقات المحرمة
والصحوبية والا كيف تشعر الفتاة بهذا الشلال من المشاعر الفياضة البكر لو كانت ألقت
مشاعرها لهذا وذاك ووصلت الى زوجها وهى مليئة بمرارات التجارب الفاشلة ؟؟؟ ...
وشيئا فشيئا سقطت الرهبة و الحواجز بيننا وتحدثت القلوب والعيون










و....................... سكتت شهرزاد عن
الكلام المباح.................
الرجوع الى أعلى الصفحة اذهب الى الأسفل
™ R. Quaresma
™ El MagiCo0o
™ El MagiCo0o
avatar

عدد المساهمات : 1686
نقاط : 1976
تاريخ التسجيل : 26/11/2009
العمر : 28
السٌّمعَة : 11
الموقع : أحلي حب

مُساهمةموضوع: رد: يوميات عمر و سارة (2)   الأربعاء مارس 17, 2010 5:32 am




جـــــميل جداااااااااااااا

بداية مبشرة جدا جدا

أولا كنت منتظر الجزء ده بفارغ الصبر

ثانيا حمد الله علي سلامتك يا نهي
كدة نهي رجعت تااااني ونورت الدنيا كلها

ثالثا ميرسي لأنك لبيتي رغبتي
يا أحلي وأجمل أخت ف الدنيا

رابعا بأة شوية أفراح ف القصة دي
عايزين نهاية حلوة ممكن ؟؟

ميرسي يا قمر

منتظر الحلقة التانية

_________________
™️¤¦ ملكة الرومانسيه ¦¤™️

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/quaresma3?ref=profile
????
زائر



مُساهمةموضوع: رد: يوميات عمر و سارة (2)   الخميس مارس 18, 2010 1:25 am

اولا :اديني جيبتهولك اهو يا سيدي اي خدعه

ثانيا : الله يسلمك ربنا يخليك يااارب

ثالثا: العفو

رابعا : ههههههههه مش تستعجل بقى

مش هحرق القصه انت هتعرف واحده واحده لازم يكون فيه تشويق Very Happy

خامسا : بجد اتشرفت جدا بردك ويارب تفضل متابع دايما نورتني

انتظرني........

الرجوع الى أعلى الصفحة اذهب الى الأسفل
????
زائر



مُساهمةموضوع: رد: يوميات عمر و سارة (2)   الخميس مارس 18, 2010 1:32 am



الحلقة الثانية (
الصباحية )




استيقظت من نومى وانا لا
أدرى اين انا وأخذت أتفحص المكان بدقة
وانا أبحث عن حجرتى القديمة فلا أجدها ووجدت عمر نائم على السرير
فانتفضت وكدت اصرخ فى وجهه ثم تذكرت كل شىء وأخذت أضحك فى سرى وانا أتذكر أمى وهى
تقول لى
( انتى يا سارة لما بتصحى من النوم ممكن تطلبى البوليس للى قدامك عقبال ما
تعرفى انتى فين ؟)

عندها حق لازم اتخلص من العادة دى مش كل يوم ح أصحى الراجل
مفزوع كده .. وأفقت لأجد ان جرس التليفون يرن من فترة وخرجت على أطراف أصابعى حتى
لا أوقظ عمر ... ووجدتها ماما كما توقعت (الحمد لله انها لم تكن حماتى! )

- صباح الخير يا ست العرايس صباحية مباركة .
- صباح
النور يا حبيبتى .

- انا ما نمتش خالص قلقانة عليكى .....
- انا الحمد لله كويسة ( اه لو الامهات تبطل القلق ده )

- !!..... طيب يا سارة احنا ح نيجى لك بعد الضهر شوية
-
تنورى يا ماما ....

طبعا ماما أحبطت من ردى خلاص فعلا حاسة ان لى حياة مستقلة
وانى لست فى حاجة انى أقول كل شىء لماما وبعدين عاوزة ماما تتعود على الوضع ده
علشان ما يحصلش مشاكل بعد كده
ووضعت السماعة لأجد التليفون يرن مرة أخرى( واضح
ان تليفونا هو الوحيد فى مصر! ) لأجد مكالمة مشابهة من حماتى وانهم برضه ح ييجوا بعد الضهر
( والدعوة عامة وحتبقى لمة ! )


استيقظ عمر وهو يبتسم
ويقول : ( صباح الفل يا حبيبتى اهو ده الصباح ولا بلاش .. بجد ملكة حتى وانتى صاحية
من النوم )


ابتسمت له وقلت أسد نفسه بسرعة
فأخبرته ان كل العالم ح ييجى لنا بعد الضهر يعنى بعد ساعة تقريبا


ووجدته يقول : يا ستى يشرفوا بس بجد مفروض ان الأهل يسيبوا
العرايس شوية ياخدوا على الوضع الجديد وعلى الحياة الجديدة مش هجوم كده من أولها
ماهم لسه سايبنا من كام ساعة ... حيكون حصل لنا ايه يعنى ؟ وبعدين انا ما نمتش طول
الليل من شخيرك يا سارة !

- شخيرى ؟ وكان ردى ان قذفته
بكل مخدات الأنترية ولقنته درسا لا ينساه فى احترام حرمه المصون اللى هى أنا
!
- يا ساتر يا رب ده انتى
شرانية الواحد ما يعرفش يهزر معاكى شوية ؟

- لا يا
سيدى ما عندناش رجالة يهزروا ...
يالا تعالى نشوف ح نقدم للجماعة ايه ؟؟ودخلنا المطبخ
وأعددنا ما سنقدمه للضيوف واعدنا ترتيب المنزل علشان الناس اللى ح تيجى تتفرج على
الفرش الجديد وغيرت ملابسى وارتديت طقم جديد وحذاء بكعب عالى لأول مرة وربنا يستر
واعرف امشى فيه ..... وخلاص بقى ح اعيش فى دور المدام ... ووجدت الباب بيرن ووجدت
الاسرتين سوا مش عارفة ازاى ؟!!

ووجدتنى مفروض على أستقبل حوالى 18 فرد مرة واحدة ليه
كده بس ؟
ما علينا المشكلة الأزلية ان الناس اللى بتيجى بتتفرج على كل الشقة حتى المطبخ يعنى
مفروض ان اول ما الناس يشربوا حاجة أغسل الكاسات فورا علشان الفرجة تبقى كاملة
.....
وهكذا وجدتنى تحولت الى نحلة م****ة اشيل وأحط وأغسل وأفرج الزباين أقصد
الضيوف على الشقة حتة حتة ومش عارفة ليه العروسة بتفتح النيش والدواليب وكل الفرش
وكل الأطقم لكل واحد ييجى ؟؟؟؟؟؟؟؟ فعلا حرب مفروض الضيوف ييجوا يقعدوا فى الصالون
فترة بسيطة
ويلقوا نظرة سريعة على الفرش ويباركوا ويمشوا وخلاص وبلاش التفتيش الذاتى ده ...
لكن تقول ايه الواحد كان اتجوز فى الصين أحسن.


ايه
الشغلانة دى ؟ ده بيت ابويا ما كانش زحمة كدة ؟؟؟؟ الناس دى ح تمشى امتى انا تعبت
وسارة ياعينى ما قعدتش لحظة ولما جيت أشيل معاها الصوانى ماما قالت لى ( يعنى عمرك ما
ساعدتنى يا عمر ؟

) الحمد لله ان سارة كانت فى المطبخ مش ناقصين نكد!!


وأخيرا أخيرا مشيوا
وانا اكاد أبكى من التعب
لأنى اصلا لسه تعبانة من مجهود الفرح حرام الظلم ده .....
ووجدت ماما تميل على وهى ماشية وتقول لى خلى بالك من نفسك يا سارة وماتتعبيش نفسك (
مش عارفة ازاى ؟)وعلى فكرة خالك وخالتك واولادهم جايين لكم بعد العصر شوية
.......... وعمة عمر وجوزها واولادها جايين بالليل !!!!!!!!!!!!!!!!!!حراااااااااااااااااااااااااااا
ااااااااااااام

الرجوع الى أعلى الصفحة اذهب الى الأسفل
™ R. Quaresma
™ El MagiCo0o
™ El MagiCo0o
avatar

عدد المساهمات : 1686
نقاط : 1976
تاريخ التسجيل : 26/11/2009
العمر : 28
السٌّمعَة : 11
الموقع : أحلي حب

مُساهمةموضوع: رد: يوميات عمر و سارة (2)   الجمعة مارس 19, 2010 3:35 am



ههههههههههههههههههههه

لالالالالالا حراااااام بجد

بس تمام جدا الفصل ده ميه ميه

الواد عمر ده حاجة كدة زي الفل

منتظر الباقي

_________________
™️¤¦ ملكة الرومانسيه ¦¤™️

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/quaresma3?ref=profile
hamst atab
Piece Of Heart ♥
Piece Of Heart ♥
avatar

عدد المساهمات : 1396
نقاط : 1593
تاريخ التسجيل : 07/01/2010
العمر : 27
السٌّمعَة : 4
الموقع : www.ahla7ob.hooxs.com

مُساهمةموضوع: رد: يوميات عمر و سارة (2)   الجمعة مارس 19, 2010 3:14 pm


ههههههههههههههههههههههههههه

جاااامده جداااااااا يانهى

هو ده بيحصل فعلا والله حراام كده

منتظره الباقى ياقمر

تقبلى مرورى

_________________


عارف لو كان علية
نفسي أخداك بين ايدية
وفي قلبي أقفل عليك
وعيوني بيك ترتاح شوية


•·.·´¯`·.·• (NaDa ) •·.·´¯`·.·•
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
????
زائر



مُساهمةموضوع: رد: يوميات عمر و سارة (2)   الجمعة مارس 19, 2010 8:29 pm

ميرسي ليك يا مصطفى

وميرسي ليكي يا ندى نورتي يا قمر

يارب تفضلوا تتابعونا على طول

انتظروا الباقي

الرجوع الى أعلى الصفحة اذهب الى الأسفل
????
زائر



مُساهمةموضوع: رد: يوميات عمر و سارة (2)   الجمعة مارس 19, 2010 9:42 pm



الحلقه
الثالثه


سارة

يااااااااااه
دى فعلا حرب ايه كل المهنئين دول انا حاسة انى كنت عانس مثلا ومصر كلها مش مصدقة انى اتجوزت
فجايين يتأكدوا بنفسهم أحسن تطلع اشاعة
ضيوف ضيوف ضيوف ....طول النهار والليل ومفروض أكون طول الوقت مستعدة ولابسة لبس فى
منتهى الشياكة وكعب عالى

حتى لو لطعونا ساعتين تلاتة مش مهم كعادة المصريين يقولوا
لك (حنعدى عليك اخر النهار!) الكلمة دى بتثير جنونى يعنى الساعة كام ؟ وطبعا لازم البيت
يبقى مفيش فيه ذرة تراب او طبق فى الحوض طوال اليوم علشان حملة التفتيش الذاتية
وتكون النتيجة اننا مش عارفين نخرج ولا نتفسح ولا حتى الواحد يقعد على راحته حاجة
تفلق
!




عمر

هو الجواز ح يطلع مقلب ولا ايه يا رجالة ؟؟؟؟؟
انا حاسس انى فى الصين الشعبية رجالة
وستات والكارثة فى الاطفال اللى مش بيحلى لهم أكل الشيكولاتة ومسح ايديهم الا فى
الصالون اللى الواحد دافع فيه دم قلبه
.. واللى يفرس أكتر موضوع الهدايا ده كل واحد جت له هدية مش عاجباه ييجى ويديهالنا
وطبعا احنا كمان مش محتاجينها وقليل جدا الهدايا النقدية ..
ده الواحد بقى على الحديدة من مصاريف الجواز والفرح وقلنا ح تفرج من نقوط الفرح
يقوموا يدوها هدايا مالهاش لازمة ؟ ده الواحد كده مش ح يعرف يعمل منظر فى شهر العسل
ولا ايه و مش ح اعرف أفسح سارة فى مكان كويس ؟ شكلها كده ح ترسى على
شقة خالى فى اسكندرية مع سلفة ابوية لا ترد .... وربنا يستر وما تحصلش مشاكل !!!!!!




نقعت رجلى فى ماء وملح من كتر الوقوف وأخذت قرص مسكن
وانا أعانى من علامات كساح مبكر...
ونزعت فيشة التليفون كى لا يتصل أحد اخر ويتحفنى بالخبر الميمون (انه جاى فى
السكة!) وأغمضت عينى وجدت عمر يقول لى

:
- ( سلامتك يا حبيبتى من التعب... معلش انا ح اريحك حالا .. يالا قومى
رتبى الشنط ح نسافر حالا ! )
-رددت كالملسوعة : ايه أقوم
؟وكمان نسافر حرام عليك انا ح اموت خلااااااااااص انا مش ح
اتحرك ابدا من هنا.


- يا حبيبتى مفيش حل تانى انا خلاص ح اتجنن من كتر
الدوشة لازم نهرب من هنا ونستمتع بشهر العسل انتى ناسية اننا ح نرجع شغلنا بعد
أسبوع ؟
- طيب والفلوس يا عمر ؟
-ولا يهمك يا حبيبتى جوزك اتصرف جيب السبع ما يخلاش
(قصدى جيب والده )
-طيب والناس اللى عمالة تيجى
دى حيتجى ما تلاقيناش ؟

-احسن ... يبقوا يقعدوا مع البواب ... والله ده انا مسافر مخصوص علشان
اهرب منهم ونكون انا وانتى بس فى الدنيا .
- طيب مش أستأذن ماما وبابا
الأول؟

- فنظر الى عمر بغضب هائل وقال لى ( قومى دلوقت يا سارة حضرى الشنط حالا حنسافر بعد ساعة
....قبل ما أفقد أعصابى !)
-
فانتفضت من أمامه لأحضر الشنط فورا وانا لا أعرف ماذا أغضبه الى هذا الحد علشان قلت
أستأذن بابا طيب ما انا لسه مش واخده على دور المدام ده .. واضح انى متجوزة أسد
وانا مش واخدة بالى

- وفى السيارة أخدت بالى انى أول مرة أركب مع عمر لوحدنا
كان احساس رائع والاجمل انى تركته هو يقود الدفة ويوجهنا الى حيث يشاء
.............احساس جميل بالقاء المسئولية على الرجل وانتى تنعمى بالراحة
والاطمئنان سبحان الله حتى القوامة للرجل التى تغضب منها النساء ما أجملها من
احساس..
وأغمضت عينى ونمت
واستيقظت لأجد نسيم الاسكندرية الرائع وعمر يوقظنى كطفلة
صغيرة ويقول لى
(قومى بقى يا عروسة ... .
وصلنا شقة خالى اللى حكيت لك عنها
.......)
وصعدنا الشقة ووجدتها صغيرة لكن مشرقة وجميلة وأخذ عمر يفرجنى
على جميع الغرف وخرجنا البلكونة لنستمتع بمنظر البحر الرائع ولكنى وجدت فتاة جميلة
وجذابة ذات شعر حريرى وقوام ممشوق فى مثل سنى تقريبا فى البلكونة المجاورة لنا
تماما صاحت عندما رأت عمر وقالت بدلال كبير :


( حمدالله على السلامة يا عمر مش كنت تقول لى انك جاى ؟
.كده انا زعلانة منك


ثم
انتبهت أخيرا الى الحشرة الموجودة بجواره اللى هى اناوقالت بتساؤل ممزوج بغضب
( مين دى يا
عمر
(؟؟؟؟؟؟؟؟؟؟؟!!!!!! )

الرجوع الى أعلى الصفحة اذهب الى الأسفل
hamst atab
Piece Of Heart ♥
Piece Of Heart ♥
avatar

عدد المساهمات : 1396
نقاط : 1593
تاريخ التسجيل : 07/01/2010
العمر : 27
السٌّمعَة : 4
الموقع : www.ahla7ob.hooxs.com

مُساهمةموضوع: رد: يوميات عمر و سارة (2)   الجمعة مارس 19, 2010 9:51 pm


ههههههههههههههههه


حلوه اوى يانهى كالعاده طبعا

بس مين البت ديه ؟؟؟؟

عايزه اعرف بسرعه

_________________


عارف لو كان علية
نفسي أخداك بين ايدية
وفي قلبي أقفل عليك
وعيوني بيك ترتاح شوية


•·.·´¯`·.·• (NaDa ) •·.·´¯`·.·•
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
duncan2020
ماسي أحلي حب
ماسي أحلي حب
avatar

عدد المساهمات : 556
نقاط : 580
تاريخ التسجيل : 08/12/2009
العمر : 30
السٌّمعَة : 0

مُساهمةموضوع: رد: يوميات عمر و سارة (2)   الجمعة مارس 19, 2010 10:01 pm

فعلا حلقه جامد يا نهى هيا طلعت مين ديه ياعمر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
™ R. Quaresma
™ El MagiCo0o
™ El MagiCo0o
avatar

عدد المساهمات : 1686
نقاط : 1976
تاريخ التسجيل : 26/11/2009
العمر : 28
السٌّمعَة : 11
الموقع : أحلي حب

مُساهمةموضوع: رد: يوميات عمر و سارة (2)   السبت مارس 20, 2010 5:55 am


أوبااااااااااااا

لا لا لا لا لا لا لا لا لا

أنا ثقتي ف الواد عمر ده كبيرة

إيه يا سارة عادي جيران ومتربيين سوا اكيد !!!

ههههههههههههههههههههه

الله يكون ف عونك يا عمور

ياريتك ما سفرت

علشان تبأة تعمل راجل أوي

_________________
™️¤¦ ملكة الرومانسيه ¦¤™️

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/quaresma3?ref=profile
????
زائر



مُساهمةموضوع: رد: يوميات عمر و سارة (2)   الأحد مارس 21, 2010 3:53 am

ههههههههههههههههههههه

ميرسي يا ندا هتعرفي مين البت دي

ميرسي يا محمد نورت

ميرسي يا مصطفى وهتعرف كل حاجه

نورتوني يارب تتابعوا على طول

انتظرووووا الجديـــــــــــــــد

الرجوع الى أعلى الصفحة اذهب الى الأسفل
????
زائر



مُساهمةموضوع: رد: يوميات عمر و سارة (2)   الأحد مارس 21, 2010 4:25 am

الحلقة الرابعة


وقفت ارتجف من الغضب والدهشة والحيرة من هذه التى جاءت لتهدم أحلامى فى السعادة وتحادث حبيبى بكل
هذا الدلال
والذى يحمل فى طياته الكثير من الذكريات المشتركة بينهما ..... من اولها كده ياربى
؟ !

لا اقدر حتى على
المواجهة
اشعر ان كلامى سيكون صراخا
وانا لا أحب ان تسمع الانسة المبجلة الملاصقة لنا انى اتشاجر معه بسببها فهى هكذا
ستشعر بانتصار .... نظرت لعمر نظرة نارية تحمل غضب العمر كله وتركته ودخلت لحجرة
النوم ووجهى مشتعل من الغضب وأخذت اغرز اظافرى فى الوسادة حتى كادت ان تتمزق من ضغط يدى
وانا أغالب الدموع بشدة ..
فتبعنى عمر ووضع يده برقة على كتفى وقال لى بكل براءة ( مالك
يا سارة فيه حاجة؟

)
فنظرت اليه نظرة نارية
وأزحت يده من على كتفى وصرخت فيه ( وكمان بتسأل مالك ؟ انا
اللى عاوزة اعرف مين الهانم دى وازاى تكلمك بالدلع ده كله ؟ وايه اللى كان بينك وبينها او يمكن لحد دلوقت كمان )
-رد باستنكار ( لحد دلوقت ؟
حاسبى يا سارة انتى كده بتغلطى!
)
- طب يا سيدى ما تزعلش ايه اللى كان
بينك وبينها .. يالا احكى لى انا نفسى اشوف فيلم رومانسى من زمان
.... واوعى تقولى مفيش حاجة من فضلك انا مش طفلة قدامك!
- رد برفق كأنه خائف على ان اموت من
فرط ثورتى : طيب ممكن تهدى نفسك علشان نعرف نتفاهم ؟
- رددت وانا ارتجف : مش ح اهدى الا لما تقول لى كان
فيه حاجة ولا لأ ؟

- صمت
طويلا قبل ان يجيب بصوت لا يسمع : ايوة كان فيه !!!!!

- انهرت عندما سمعت هذه الكلمة الكريهة
وتمنيت ساعتها لو كان كذب على او انكر او فبرك لى اى حكاية
وانا كى ارضى غرورى الانثوى سأبتلعها لكن ان يعترف امامى هكذا ... ولم استطع ان
اواصل التفكير أكثر فانهارت دموعى بلا توقف .... وأخذنى عمر وهو يهدهدنى كطفل صغير يرفض النوم ... وقال لى
:

الحمد لله انا عرفت دلوقت
حاجتين انك مجنونة وعرفت انك بتحبينى جدا والا ايه لازمة الجنان اللى انتى عاملاه ده ؟

وهممت ان أرد ولكن أغلق فمى بيده وهو يقول : بصى ياسارة لغة
الصراخ دى مش ح توصل لحاجة ابدا انا ح أقول لك على كل حاجة بس لما تهدى الاول خلاص

؟


-
مسحت دموعى كالاطفال وانا اقول اتفضل احكى بس اياك تكدب !

-
مسح دموعى برفق وقال لى : يا حبيبتى ما كنت كذبت من الاول وخلصت من الفيلم ده وضحكت
عليكى وخلاص ... بصى يا ستى انتى عارفة ان دى شقة خالى من زمان جدا ومن واحنا
اطفال واحنا بنيجى نصيف هنا وساعات نقضى بالشهرين هنا وانتى شايفة ان الشقق لازقة
فى بعض وطبيعى جدا ح يكون لينا علاقة بالجيران وشيرين يا ستى بنت الدكتور محمود
جارنا خريجة ألسن وخريجة مدارس لغات وبنت مثقفة ودماغ و جميلة زى ما انتى شفتى
..


- من
فضلك بلاش الغزل ده قدامى انتوا متفقين على ولا ايه ؟
- لا
ياحبيبتى ده انتى حبى وعمرى كله والله ... المهم انا ياستى حسيت فى فترة من الفترات
انى ميال لها وهى كمان بادلتنى نفس الشعور بس عمرى ما حسيت انه حب مكتمل كل ما كنت
اجى اخد خطوة ارجع خطوتين حتى انى لم اصارحها ابدا بحبى لأنى ما تأكدتش ابدا من
مشاعرى تجاهها ولم تشعرنى هى ابدا بالاستقرار


- لا ادرى لماذا وقتها بعدت الغيرة الحارقة قليلا وشعرت
انى احادث صديقا يقص على مشكلة وليس زوجى وسألته : ليه كانت ايه المشكلة بينكم
؟



- المشكلة كانت جرأتها الشديدة وانها دائما مقتحمة
وتكلم اى شاب او رجل بمنتهى البساطة والود
ولو ما كنتش عارف اخلاقها وتربيتها واسرتها لشكيت فى اخلاقها .... ولكن تكوينى كرجل
شرقى متدين ماقدرتش انى اقبل وضع زى ده وكلمتها عدة مرات ولكن بلا فائدة فثقافتها
وطريقة دراستها وتربيتها المميزة تجعلها شديدة الثقة بنفسها حتى لا ترى ان حاجز
الحياء فى الفتاة له مبرر ... وهكذا أخذت قرار نهائى بالابتعاد وخاصة انى لم اكلمها
فى شىء صريح عن مشاعرى وابتعدت عن هذه الشقة لمدة عامين حتى لا اراها .. ودخلتها
فقط فى شهر العسل اللى حبيبتى عاوزة تقلبه غم

- هدئت دموعى وانا أشعر بحرارة
صدق كلامه لأنه لم يكن مضطر ان يخبرنى كل هذه التفاصيل لو لم يكن صادقا : طيب يعنى
حبيتها بجد ؟

- أجاب بسرعة : لا والله
بجد كان مجرد انجذاب مش حب والا كنت اتغاضيت عن عيوبها وخطبتها .... انا ما حبتش فى
حياتى الا مجنونة واحدة عمالة تعيط زى الاطفال


- امال بتكلمك كده ليه زى
ماتكون مراتك وقفشتك مع واحدة تانية ؟

- يا بنتى ماهى اسلوبها كده أعملها ايه يعنى ؟ خلاص بقى
يا سارة هو احنا نخلص من الضيوف تطلع لنا الست هانم دى ؟ سبحان الله ده انا سمعت عن
شهر العسل ده حواديت الف ليلة وليلة ... واضح انك اخدت مقلب يا واد يا عمر يا ريتك
كنت اتجوزت شيرين !


-
شيرين ؟! طيب روح لها بقى يا أخويا خليها تنفعك!



وأخذت أدفعه خارج الحجرة
وأغلقت الباب على نفسى من الداخل وانا أشعر ان جبل قد أزيح من على صدرى وانى ضخمت الموضوع بغباء قبل ان اعرف الحقيقة ... كم هى قاسية
الغيرة وكم أعشق هذا الرجل الاسمر بجنون
- افتحى
يا سارة الله يهديكى ... يا بنتى افتحى انا تعبت ... طيب علشان خاطرى ... ده الضيوف
أهون يا شيخة ... يا مجنونة افتحى ... طيب يا سارة خلاص براحتك انا هنزل شوية بس
خلى بالك الاوضة اللى انتى فيها دى كان دايما فيها فار !... باى يا حبيبتى بقى


-
وطبعا فتحت الباب كالملسوعة وانا اصرخ فاااااااااار
وأجرى كى ألحق عمر قبل ان يتركنى مع الفار وحدى نقضى شهر العسل سويا
وخطوت خطوة واحدة .. وجدت نفسى بين ذراعيه وهو يضحك
ولم أستطع الهرب ولا الكلام.............وووووووسكتت شهرزاد عن الكلام المباح
...............
الرجوع الى أعلى الصفحة اذهب الى الأسفل
™ R. Quaresma
™ El MagiCo0o
™ El MagiCo0o
avatar

عدد المساهمات : 1686
نقاط : 1976
تاريخ التسجيل : 26/11/2009
العمر : 28
السٌّمعَة : 11
الموقع : أحلي حب

مُساهمةموضوع: رد: يوميات عمر و سارة (2)   الأحد مارس 21, 2010 5:40 am



هههههههههههههههههههههههههه

ايوة كدة يا عموووور قشطة عليك

لالالالالا الواد ده دماااااااااغ

إيه الحب ده والجمال ده

ماشاء الله بجد

تمااااااااام يا ست نهي

الفصل ده جااااااااااااااااااامد

منتظرك بشدة

_________________
™️¤¦ ملكة الرومانسيه ¦¤™️

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/quaresma3?ref=profile
hamst atab
Piece Of Heart ♥
Piece Of Heart ♥
avatar

عدد المساهمات : 1396
نقاط : 1593
تاريخ التسجيل : 07/01/2010
العمر : 27
السٌّمعَة : 4
الموقع : www.ahla7ob.hooxs.com

مُساهمةموضوع: رد: يوميات عمر و سارة (2)   الأحد مارس 21, 2010 2:56 pm

هههههههههههههههههههههههههه

ظلمنا الولا عالفاضى

حلو اوى الفصل ده يانهى

منتظره الباقى طبعا

_________________


عارف لو كان علية
نفسي أخداك بين ايدية
وفي قلبي أقفل عليك
وعيوني بيك ترتاح شوية


•·.·´¯`·.·• (NaDa ) •·.·´¯`·.·•
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
duncan2020
ماسي أحلي حب
ماسي أحلي حب
avatar

عدد المساهمات : 556
نقاط : 580
تاريخ التسجيل : 08/12/2009
العمر : 30
السٌّمعَة : 0

مُساهمةموضوع: رد: يوميات عمر و سارة (2)   الأحد مارس 21, 2010 10:31 pm

هههههههههههههههههههههه


ظلمنا الحاج عمر


بس سار طلعت زي الاطفال


فين البااااااااقي؟؟؟؟؟؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
????
زائر



مُساهمةموضوع: رد: يوميات عمر و سارة (2)   الإثنين مارس 22, 2010 1:33 am

الحلقة
الخامسة




الحمد لله
انى لم اتزوج واحدة مجنونة تخنقنى بغيرتها وخناقها وعصبيتها .... فعلا الثقافة والقراءة بتفرق جدا فى عقلية البنت .... لو كانت
سارة واحدة دماغها فاضية من بتوع الموضة وخلاص كانت قلبت دماغى على حكاية
شيرين وقلبت بوزها 6 سنين
وكل ما هنشوف واحدة حلوة هتبص لى زى المخبرين فى قسم البوليس ما بيصطادوا مجرم
وهاتك يا تحقيق ....
بجد لو كانت عملت كده ما كنتش هحكى لها حاجة ابدا بعد كده واريح دماغى وخلاص ...
ربنا يهديكى يا سارة وتفضلى عاقلة كده !


منظر
البحر ساحر والاحلى انى مع حبيبى ولا اخاف ان يرانى أحد بل بالعكس اتمنى ان يعرف
جميع الموجودين على الشاطىء انى عروسة فى شهر العسل من فرط سعادتى واحساسى بالراحة
..
مر على أجمل اسبوع فى حياتى كله فسح وخروج وسهر وحب فى حب ...مش عاوزة ابعد عن عمر
ولا ثانية ....



فعلا لازم يسموه شهر عسل قصدى اسبوع عسل بس يا
خسارة ده اخر يوم ونعود الى القاهرة غدا ...
نظرت الى عمر فوجدته شارد يفكر ... ياترى بتفكر فى مين يا عمر ؟ فى شيرين ؟ مش معقول كفاية تفاهة بقى يا سارة واياكي تفتحى
الموضوع ده ابدا ... انا ما صدقت انى كسبت نقطة وخليته يثق فى كصديقة عاقلة قبل ما
اكون زوجة غيورة بس بجد كنت هموت من الغيرة
... بس يعنى لو صرخت وبوذت وخاصمته ح اخليه ينسى اى واحدة ومايبصش لواحدة غيرى مش
ممكن طبعا ده ح يبعد عنى اكتر .... لا ياسى عمر ده انا ح اكون قدامك ووراك وجنبك
وفى كل مكان حتى تحت جلدك ... ده انا عاملة لك حتة خطة الليلة دى
مش هتخليك تفتكر لا شيرين ولا سعدية وتحلف ان مفيش فى الدنيا بنت غيرى .... بس
استنى على !!!



المصاريف خرمت خالص يا واد يا عمر! وباين علينا هنقعد قدام المرسى ابو العباس نكمل الاسبوع ...
فطار وغدا وعشاء برة البيت ده غير الفسح
ماشاء الله على الشحاتة المتوقعة ..الحمد لله ان العربية فيها بنزين ترجعنا مصر
بكرة ان شاء الله وراجع جرى على بيت السيد الوالد طبعا علشان منحة ابوية تانية حاجة
تكسف بجد ....
بس الحقيقة كان اسبوع يجنن كان نفسى يبقى شهر دول العزاب
دول غلابة ياعم! قال ويقول لك محلاها عيشة الحرية ! ده قصر ديل يا باشا


-
ايه يا سى عمر انا هموت من الجوع
وانت اخر طناش ايه خير ؟ انت هتصوم الستة البيض من النهاردة
؟

- يا ساتر يارب مش انا لسه يا
بنتى مفطرك من 8 ساعات ! ده انتى ح تاكلينا لما نروح

- ياباى
على الغلاسة ..
يابنى هموت من الجوع والناس اللى جنبنا دول ما بطلوش اكل من ساعة ما وصلوا وحتى
الست صعبت عليها لما لقيتنا مدينها ترمس ولب من ساعة ماجينا قامت عزمت على بطبق
محشى وانت بتصلى العصر ... بس انا عملت فيها العروسة الشيك وقلت لها ميرسى يا طنط
... يا خسارة المحشى !


-
محشى ؟
ياريتك جبت لنا طبقين ... دى الفلوس اللى معانا يادوب تأكلنا كشرى واحتمال مفيش
عشاء كمان
... لازم يخلوا العرايس يطبخوا فى شهر العسل علشان العرسان ما تشحتش يا
حبيبتى .

- طيب هنموت من الجوع ولا ايه النظام ؟ فهمنى علشان اروح الحق طنط بتاعة المحشى بسرعة دول
دخلوا فى المسقعة !


- لا
يا ستى اخر وجبة هناكلها هنا وأمرى الى الله هنروح ناكل فى مطعم قريب من البيت
وبعدين بالليل فيه ناس قرايبنا هنا ابنهم عمل حادثة وهضطر اروح أشوفه شوية ... تحبى تيجى معايا ولا بتخافى من
المستشفيات ؟


- لا باخاف
روح انت ... وبعدين عاوزة أحضر الشنط وانام بدرى النهاردة معلش يا عمر لو جيت
ولقيتنى نايمة ما تصحنيش علشان خاطرى ...


- ياسلام ؟ لا والله ؟ كده يا سارة ... وتسيبينى أسهر
لوحدى ؟

- معلش يا عمر بجد
تعبانة وعاوزة انام بدرى الظاهر هاخد دور برد ... ما تزعلش علشان خاطرى
...

- لا يا حبيبتى خلاص ...
انا عاوزك ترتاحى ... بس افتكريها !



-
اخيرا عمر مشى
وراح المشوار بتاعه قدامى حوالى 3 ساعات علشان أرتب أجمل ليلة هيعيشها فى عمره ...
رتبت الشنط بسرعة جدا وكلمت حلوانى مشهور فى اسكندرية لأؤكد حجز تورتة حجزتها من
امس على شكل قلب احمر ومكتوب عليها اسمينا انا وعمر وعليها كلمة ( الى حبيبى ....أحبك !)



ثم أخرجت صندوق المفاجات الذى كنت محضراه من القاهرة
والذى رفضت ان يطلع عليه احد حتى امى ... وأخرجت منه مجموعة من الشموع الحمراء
والوردية ووزعتها فى جميع انحاء المنزل ... لن أوقدها الا عندما يأتى حبيبى
...

ومجموعة من الورود المجففة جميلة الشكل نثرتها على الارضية بشكل أسهم تشير
الى غرفة نومنا ... وثم مجموعة من البطاقات الوردية والملونة التى كتبت عليها
عبارات غرامية اليه ووزعتها فى كل المنزل بشكل مرتب ومتسلسل ...



ثم دخلت
الحمام وأخذت شاور سريع ...
ثم ملأت البانيو بماء ساخن ورغاوى صابون منعشة لعمر عندما يأتى ونثرت فوق المياة
مجموعة من القلوب الحمراء الطافية ..
وكتبت على مراية الحمام بالروج بخط صغير ( كان أجمل اسبوع عسل فى العالم يا حبيبى ...)
ثم دخلت
الى حجرة النوم ورتبتها ورشيت معطر جو لم استخدمه من قبل ولم انسى الشموع طبعا ...
ثم ارتديت طقم جديد ساحر كنت أخفيه...هكذا سينسى اى امراة اخرى سواى وليس بالنكد
... يارب ارضى عنا ..


عمر يركن سيارته تحت المنزل الحمد لله
اننا فى الدور الخامس امامى وقت لبقية الخطة ...
وضعت التورتة فى الصالة وحولها الشموع ليراها اول ما يدخل .... ورتبت البطاقات
وأغلقت انوار الشقة كلها وتركت باب الشقة مفتوح قليلا ودخلت أختبىء فى غرفتى
...



ايه يا سارة ده
انتى نمتى وسبتى الباب مفتوح ؟ ربنا يستر ... ايه ا لنور مقطوع ولا ايه ؟ سارة انتى
فين ؟ ايه ده ايه ده انا مش مصدق عينى ... مش ممكن ... الله الله لا يمكن انا اكيد
فى حلم ... سارة انتى فين ؟ ايه التورتة الرهيبة دى ؟ يااااااااااااااه ده انا حاسس
انى ملك .... ساااااااااارة ...
وايه الكروت اللى على الارض دى ؟
اول واحد
مكتوب فيه( ... لو كنت بتدور على اتبع الاسهم ) ااه ده فيه اسهم بالورود على الارض كمان ايه الرقة دى
؟ ... واللى بعده مكتوب عليه ( حد يمشى ورا الاسهم برضه ؟ امشى
ورا قلبك يا حبيبى وانت تلاقينى ..

)
ودخلت الحمام وجدته مجهز لملك او امير بجد بحبك يا سارة ... انتى فين
يا حبيبتى ... اكيد هنا فى اوضتنا وكمان كارت على باب الحجرة مكتوب عليه ( انا بحب احلى رجل فى الدنيا ... هو انت ) ...
وفتحت
الحجرة لأجد سارة تنتظرنى فى أجمل صورة ممكن ان اتخيلها .. أميرة وسط الشموع
والورود ... هل ممكن ان ترضى زوجة رجلها بهذا الشكل الا زوجتى الرائعة .... وسكت
شهريار هذه المرة عن الكلام المباح !!!!!!!!!
الرجوع الى أعلى الصفحة اذهب الى الأسفل
duncan2020
ماسي أحلي حب
ماسي أحلي حب
avatar

عدد المساهمات : 556
نقاط : 580
تاريخ التسجيل : 08/12/2009
العمر : 30
السٌّمعَة : 0

مُساهمةموضوع: رد: يوميات عمر و سارة (2)   الإثنين مارس 22, 2010 1:49 am

واااااووووووووووووووووووووووووووووو



الحلقه ديه جامدة اخر 3 حاجات


ورومانسيه طحن

ويارب كل البنات تستفاد من الحلقه ديه وتتعلم من سارا


BravOoOoOoOoOoO Ya NoNa
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
™ R. Quaresma
™ El MagiCo0o
™ El MagiCo0o
avatar

عدد المساهمات : 1686
نقاط : 1976
تاريخ التسجيل : 26/11/2009
العمر : 28
السٌّمعَة : 11
الموقع : أحلي حب

مُساهمةموضوع: رد: يوميات عمر و سارة (2)   الإثنين مارس 22, 2010 3:45 am



الله الله يا بختك يا عم عمر

الله يسهلوا يا عم

محدش أدك

طاب مش شغلوا عمرو دياب أغنية
الليلادي ولا إيه ؟؟
ههههههههههههههههههههههه

حلقة تووووحفة يا نهي
جميلة جداااااااااااااااا
الله ينور كدة بجد

منتظرك طبعااااا


_________________
™️¤¦ ملكة الرومانسيه ¦¤™️

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/quaresma3?ref=profile
hamst atab
Piece Of Heart ♥
Piece Of Heart ♥
avatar

عدد المساهمات : 1396
نقاط : 1593
تاريخ التسجيل : 07/01/2010
العمر : 27
السٌّمعَة : 4
الموقع : www.ahla7ob.hooxs.com

مُساهمةموضوع: رد: يوميات عمر و سارة (2)   الإثنين مارس 22, 2010 10:01 pm


ايه الرومانسيه دى كلها يانهى

بجد حلقه جااامده مووت

تسلم ايديكى يانونا

منتظره الحلقه اللى جايه بس تكون رومانسيه بردوه

_________________


عارف لو كان علية
نفسي أخداك بين ايدية
وفي قلبي أقفل عليك
وعيوني بيك ترتاح شوية


•·.·´¯`·.·• (NaDa ) •·.·´¯`·.·•
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
????
زائر



مُساهمةموضوع: رد: يوميات عمر و سارة (2)   الإثنين مارس 22, 2010 11:39 pm

ميرسي ليكم

يارب تفضلوا متابعين

انتظروا الجديــــــــد

الرجوع الى أعلى الصفحة اذهب الى الأسفل
????
زائر



مُساهمةموضوع: رد: يوميات عمر و سارة (2)   الإثنين مارس 22, 2010 11:57 pm



الحلقة
السادسة




-(انا بس عاوز أعرف اشتريتى كل الحاجات دى امتى ولحقتى ترتبى كل ده
ازاى ؟

) قالها لى عمر ونحن فى السيارة عائدين الى القاهرة .. قالها وهو يشعر
بالفخر الرجولى ان زوجته اعدت له ليلة من الف ليلة من اجله هو فقط
...

-رديت عليه بدلال
وانا أغالب النوم بشدة : ( ده سر المهنة يا سيدى ... المهم تكون سعيد وراضى عنى !)




-(ربنا يخليكى ليا يا حبيبتى .. ويارب تفضلى كده على طول .. وانا كمان محضر
لك مفاجأة ... ماما اتصلت وقالت انها عازمانا على الغداء دلوقتى حالا اول ما
نوصل!!)
ياااااااااااسلااام على
المفاجأت الحلوة
ايه الهنا ده بداية تفرح بصحيح
ده وقته ياربى ؟ الواحد يستعد لوصلة حرق دم محترمة .... رددت هذا فى سرى بالطبع ويبدو ان علامات خيبة الأمل كانت
ظاهرة على وجهى فسألنى عمر :
( مالك يا سارة ؟ انتى مش
مبسوطة ولا ايه من المفاجأة ؟)
- رديت بسرعة : (لأ ازاى ده انا ح اطير من
الفرحة دى طنط وحشتنى جدا .. بس كنت قولى علشان البس طقم حلو اروح بيه !)

- انتى كده قمر وبعدين ماما مش بتهتم بالحاجات دى خالص


واخيرا وصلنا لبيت حماتى العامر وبعد الترحيب الرهيب بعمر كأنه راجع من
الحجاز حالا على جمل ...ثم بعد ساعة سلمت على بفتور :
( اهلا
ياسارة .. أخبارك ايه . .. وشك نور على الجهاز أوى ...

) ثم رمقتنى بنظرة متفحصة من فوق لتحت وقالت بامتعاض انتى مش جايبة هدوم حلوة فى الجهاز
ولا ايه يا سارة ؟!)

- ذبت من الخجل من قذيفتها القوية
وقلت فى سرى ( مش بتاخد بالها خالص خالص
الله يسامحك يا عمر
)

وهممت ان أرد ولكن أنقذنى عمر بسرعة ورد عليها : (
دى سارة عندها هدوم تجنن ياماما ..
بس احنا جايين من السفر عليكى على طول وكنت عاملها مفاجأة ليها )


لم يعجبها بالطبع دفاع عمر عنى فردت بفتور
طيب يا سيدى السفرة جاهزة .. اوعى تكون نسيت أكل أمك خلاص


وجلسنا نأكل وهى منهمكة فى الحديث مع عمر بشوق شديد وتحكى له كل
ماحدث فى الأسبوع اليتيم الذى قضيناه بعيدا عنها وكأنه كان عاما كامل
...وكل فترة طويلة تتذكر ان فيه شىء معاهم على السفرة فتلقى لى كلمة او كلمتين ثم
تواصل حديثها الدافىء مع حبيبها الاوحد ابنها الوحيد الحبيب...



دعوت الله فى سرى ان تنتهى هذه العزومة سريعا كى
أصل شقتى وأفرغ حقائبى وأناااااااااااااااااام لأنى تقريبا لم أنم أمس مع السفر
وارهاقه ...
وبينما انا فى أفكارى رن موبيلى ووجدتها أمى وطرت الى البلكونة لأرد عليها



- الو يا ست العرايس
نموسيتك كحلى ... انا مش عاوزة أكلمك من الصبح علشان ما أقلقكوش يا حبيبتى ... يا
ترى ح ترجعوا امتى ؟

- رددت ببراءة : لا ما احنا
وصلنا من ساعتين يا ماما ما تقلقيش ...

- طيب يا حبيبتى أسيبك ترتبى شنطك وترتاحى شوية وأكلمك
بعدين ....

- لا يا ماما انا مش
فى شقتى ... انا عند حماتى !

- حماتك
؟ يا سلام جاية جرى من اسكندرية عليها !ولا حتى هان عليكى تعدى على امك ولو خمس دقايق ؟! متشكرة يا
سارة ... ربنا يخليهالك ماهو خلاص الجواز
بينسى الأهل ... الف شكر يا بنتى مع السلامة


-
استنى بس يا ماما ... يا ماما ... يا ماما ياربى أعمل ايه فى الحدوتة دى ..هو عمر
السبب فى المشكلة دى كان لازم يقول لى من امبارح أقوم امهد لماما علشان ما تزعلش
منى كده ...



فاجأنى عمر من خلفى وهو يهمس لى ( ايه شهرزاد قاعدة
لوحدها ليه ؟ ... وحشتينى )- رددت بعنف
: (بلا شهرزاد بلا نيلة
انت عملتلى مشكلة كبيرة مع ماما يا سيدى )

- ( مشكلة ! ليه يا بنتى هو انا شفتها اصلا ؟)
- (زعلت يا سيدى
لما قلت لها اننا هنا وافتكرتنى نسيتها وبفضل اجى بيتكم هنا قبل ما اروح اسلم
عليها ... كان مفروض تقول لى من امبارح يا عمر أقوم اعرف اتصرف )

- (يا سارة ما انا قلت لك انى انا
نفسى اتفاجأت وماما كلمتنى الصبح قبل ما نسافر مباشرة ... وبعدين يا ستى ولا تزعلى
نروح لها دلوقتى ونصالحها حالا ... هو انا عندى كام ام سارة ؟)
- فرحت
وانا اهتف ( ربنا يخليك ليا يا حبيبى )

وطبعا دخلت حماتى علينا وهتفت با ستنكار
( خلاص مش قادرين على فراق بعض ؟
طيب الظاهر ان انا اللى عزول واطلع منها )


فضممت امى الى صدرى هى الاخرى وانا اقول لها ( ده انتى
الخير والبركة يا حبيبتى ) وانا اهمس فى سرى يا ربى على صغر عقل الستات والغيرة اللى تنقط
... لأ والهنا ان امى كمان بتغير زى ما تكون مراتى التانية ... وحماتى غيرانة علشان
رحنا لماما وهى لأ ...

)
ما شاء الله عليك يا واد يا
عمر كلها كام شهر جواز وتحجز جناح فى السراية الصفرا عدل ....

طيب يا طنط معلش احنا مضطرين نمشى علشان لسه ح نعدى على
ماما نسلم عليها ) قلتها ببساطة وندمت عليها من رد فعلا حماتى الغاضب
تمشوا هو انا
لحقت أقعد معاكم ... هو انتو جايين تقضية واجب وخلاص ؟ الظاهر ان انا فارضة نفسى عليكم ... طيب يالا ماتعطلوش نفسكم
)

نظر لى عمر بغضب وكأنه يقول لى فتحتى بقك انتى ليه ؟ وأخذ يهدأ من أمه
ويبرر لها انه لابد ان ينام بدرى لأن بكرة وراه أشياء كثيرة الخ الخ الخ
وأخيييييييييرا جدا انتهت الزيارة
واستعدينا للمعركة الثانية فى بيت ماما...


وفى
السيارة قال لى عمر بهدوء :
( بصى يا سارة ما تزعليش من ماما وانا كمان مش هزعل
من والدتك لو عملت حاجة ... كل واحدة فيهم فجأة فلذة كبدها اتخطف منها من انسان
غريب فلازم فترة يعاملوا فيها الغريب ده بحذر ويمكن غلاسة لحد ما يبدأوا يحبوه فعلا
ويتأقلموا على الوضع الجديد ولازم نكون احنا الشباب أعقل وصدرنا اوسع ... بس اوعى
تعرضى نفسك لماما يعنى اى حاجة خلينى انا أقولها وكأنها فكرتى انا علشان تتقبلها
ونفس الشىء مع والدتك علشان نقلل الخساير بقدر المستطاع .. ماشى يا قمر ؟ )

- (
خلاص يا حبيبى اتفقنا ) وفى سرى
قلت ده الجواز ده عاوز نفس طويييييييييييييييييل ودماغ كبيرة جدا ربنا يستر
!


الرجوع الى أعلى الصفحة اذهب الى الأسفل
™ R. Quaresma
™ El MagiCo0o
™ El MagiCo0o
avatar

عدد المساهمات : 1686
نقاط : 1976
تاريخ التسجيل : 26/11/2009
العمر : 28
السٌّمعَة : 11
الموقع : أحلي حب

مُساهمةموضوع: رد: يوميات عمر و سارة (2)   الثلاثاء مارس 23, 2010 12:16 am



هههههههههههههههههههههه

ال حماتي ملاك ال

إيه النسوان دي

الفصل ده لو اتشال مش هيحصل مشكلة

ههههههههههههههههههههههههه

بس برده كل ده بيثبت حيهم يوم بعد يوم

تمااااااااام يا ست نهي

منتظرك

_________________
™️¤¦ ملكة الرومانسيه ¦¤™️

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/quaresma3?ref=profile
duncan2020
ماسي أحلي حب
ماسي أحلي حب
avatar

عدد المساهمات : 556
نقاط : 580
تاريخ التسجيل : 08/12/2009
العمر : 30
السٌّمعَة : 0

مُساهمةموضوع: رد: يوميات عمر و سارة (2)   الثلاثاء مارس 23, 2010 12:56 am

هههههههههههههههههههههه


شغل الحموات ابتدى ربنا يكون في عونهم


فين اللي بعده؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hamst atab
Piece Of Heart ♥
Piece Of Heart ♥
avatar

عدد المساهمات : 1396
نقاط : 1593
تاريخ التسجيل : 07/01/2010
العمر : 27
السٌّمعَة : 4
الموقع : www.ahla7ob.hooxs.com

مُساهمةموضوع: رد: يوميات عمر و سارة (2)   الثلاثاء مارس 23, 2010 5:50 pm


هههههههههههههههههههههه

ياساتر يارب على الحموات

ربنا يكفينا شرهم

منتظراكى ياقمر

_________________


عارف لو كان علية
نفسي أخداك بين ايدية
وفي قلبي أقفل عليك
وعيوني بيك ترتاح شوية


•·.·´¯`·.·• (NaDa ) •·.·´¯`·.·•
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يوميات عمر و سارة (2)
الرجوع الى أعلى الصفحة 
صفحة 1 من اصل 3انتقل الى الصفحة : 1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 :: كلام فى الحب :: كلام عن الحب-
انتقل الى: