بتدور علي ايه يامعلم. سجل معانا وانته هتلاقى كل الى انته عاوزه



 
الرئيسيةاحلى حبالتسجيلدخول

شاطر | 
 

 يوميات عمر و سارة (2)

اذهب الى الأسفل 
انتقل الى الصفحة : الصفحة السابقة  1, 2, 3  الصفحة التالية
كاتب الموضوعرسالة
????
زائر



مُساهمةموضوع: رد: يوميات عمر و سارة (2)   الثلاثاء مارس 23, 2010 11:56 pm

ميرسي ليكم

نورتوني

انتظروا الجديد

الرجوع الى أعلى الصفحة اذهب الى الأسفل
????
زائر



مُساهمةموضوع: رد: يوميات عمر و سارة (2)   الأربعاء مارس 24, 2010 12:34 am



الحلقة
السابعه



انا ذنبى ايه فى
الحرب دى ياربى كان مالى انا ومال الجواز وشغل الحموات ده
ياربى ساعتين من لوى البوز من حماتى المصونة وتبريرات طويلة عريضة من سارة ومنى حتى مليت فى الاخر أمال لو
كنا قتلنا قتيل كانت ماما وحماتى عملوا فينا ايه ؟ بجد كنت مفروس من حماتى وسارة
عمالة تراضيها وتصالحها وكنت هعمل مشكلة بس قلت ياواد مش من اولها كده اعقل ربنا
يهديك ... يارب الواحد يفضل محتفظ بأعصابه على طول وما يعملش مصايب ...


فكرت فى كل هذا وانا أقود السيارة الى منزلنا انا
وسارة وانا أقاوم النوم باستماتة بعد الحرب العالمية التاسعة اللى كنا فيها ... والتفت الى سارة وجدتها قد نامت بالفعل من شدة الارهاق
الجسدى والعصبى ... وصلنا البيت ولم أشأ ان اوقظ سارة الا لما أفرغ الحقائب من
السيارة اولا ... وأوصلتها الى الاسانسير ثم أيقظت سارة بهدوء وكعادتها اتنفضت وصرخت( انت مين ؟ وانت خاطفنى ولا ايه ؟
يااااعوماااااااااار
) وقبل ان تكمل استغاثتها الدولية برجال المطافى وتفرج
علينا الشارع ويفتكرونى خاطفها حطيت ايدى على فمها وانتظرت ان تتعرف على والحمد لله
أخيرا فاقت وعرفتنى وسألتنى سؤال أغرب من الخيال(ايه ده عمر؟
ايه اللى جابنا فى الحتة المقطوعة دى ؟ )!!-



-انا هموت من التعب لو رسموا لى مخدة على الحيطة هنام فورا ! عاوزة انام حالا علشان بكرة الجمعة وبعده السبت حنرجع على
شغلنا انا وانت يعنى بكرة يوم كله شغل وتجهيز أكل للأسبوع كله وتوضيب الشقة وأكيد هنتعب بكرة أوى ...


- هنتعب ؟ ايه الكلمة
الغريبة دى ؟ وانا مالى أنا ؟

-
مالك ازاى ؟ مش احنا اتفقنا نتشارك فى كل حاجة ؟


- ياسلام اتفقنا أخرط لك البصل وأمسح الأرض ايه يا بنتى
الأوهام دى ؟
-أوهام ياسلام هو
لما تساعدنى تبقى عايش فى الوهم ؟ امال أنا حبيبتك ازاى ؟

- يا ستى حبيبتى وروحى كمان لكن اللى انتى بتقوليه ده
انا ما أقدرش عليه أبدا ولا يمكن هيحصل وده اخر كلام عندى فى الموضوع
ده..
- كده يا عمر
؟



- ايوة كده وياريت ننام بقى قبل ما نتخانق
...
-هو احنا لسه ما
اتخانقناش؟
... طيب تصبح على خير
- ......


ياااااااااسلام على رواقة الرجالة بعد الغداء أخبرنى انه نازل يقابل أصحابه
وبعدين هيعدى على والدته وحيتأخر ولما أخبرته انى هعمل أكل الاسبوع نظر لى
باستغراب وقال لى طيب مع السلاااااااامة ! بجد انا زعلانة منه طيب يا عمر لما ترجع !

لازم
سارة تتعود ان كلامى يتنفذ ولما اقول مش هساعد يبقى خلاص ... لازم تتعود على كده
ويبقى هو ده نظام الحياة بيننا هتزعل شوية فى الأول وبعدين خلاص هتتعود .... مع
انى مش هاين على زعلها ... طيب أكلمها على الموبيل بعد شوية ... لا اجمد بقى يا عمر
لو اتعودت انك تساعدها فى كل حاجة هيبقى حق مكتسب ولو ما عملتوش حنروح النيابة !لا وعلى ايه تزعل شوية وخلاص ...

طيب انا مفروض أعمل ايه دلوقتى بالظبط ؟ أنا
الاول أرتب الشقة لأن التراب من قفلتها أسبوع يترسم عليه خرايط ولسه هفضى الشنط
وأغسل الهدوم اللى كانت معانا فى اسكندرية وبعدين أطبخ كذا صنف أشيلهم فى الفريزر
علشان يكفوا الاسبوع كله ...


يارب يخليكى لينا يا ماما كنتى شايلة الهم ده كله عنى وانا كنت اتنح قدام
التليفزيون ولا أرغى فى التليفون وخلاص
... والاهم ان معلوماتى عن الطبيخ محتاجة مترجم يفك رموزها الهيروغليفية ربنا
يستر
طيب انا أحط اللحمة تتسلق الاول علشان بتاخد وقت وبعدين
أشغل الغسالة ... بس لازم البس جوانتى علشان ريحة البصل علشان عمر لما ييجى ولا ليه
خليه يشم البصل مش هو اللى سابنى فى الحرب دى يستحمل بقى !...هى اللحمة شكلها غريب كده ليه ؟ ... طيب مش مهم أعمل ايه
تانى؟ مسقعة ؟ ياسلام ده انا باموت فيها بس عمرى ما شفت ماما بتعملها ازاى؟ هى فيها
باذنجان وحاجات تانية غريبة !..............يامااااااااما الحقينى !وجريت كلمتها على التليفون وقعدت
تهزأ فيا الاول انها ياما قالت لى اتعلم ومفيش فايدة الخ الخ الخ المهم انها قالت لى
الطريقة مع استخدام الفاظ غريبة ( تعملى اللحمة ع الصاج الاول
! ) اجيب منين صاج دلوقتى ياماما ؟ وطبعا يصحب هذا وابل
من التريقة والدعاء لعمر بالصبر على ما ابتلاه !




وطالت المكالمة ساعتين وماما تشرح لى كأن كلامها
كله طبيعى ومفهوم وانا من كتر التريقة اللى خدتها لم أسأل على أشياء كثيرة وقلت
أعتمد على خيالى الخاص !!
وتوكلت على الله وبدأت المعركة الحقيقية أضرب الطماطم لا
أسلق المكرونة الاول ..............
طيب أقطع البطاطس شرايح ولا قطع انا باقول
مثلثات وخلاص ! ايه حدوتة الملوخية دى لازم أقعد أخرطها ساعتين لا ههريها
فى الكبة وخلاص بس مش عارفة تكورت كورة صلبة فى قاع الحلة كده ليه ؟
صينية
البطاطس وضعتها فى الفرن مباشرة بس حاسة انى نسيت حاجة فيها هى ليه لسه صلبة رغم
ان بقى لها ساعة ونصف فى الفرن والقاع اتحرق ومع ذلك لسه ناشفة .....ياربى ايه
الوقعة دى كان مالى انا مانا كنت اميرة زمانى واخر رواقة ... خلاص اللى اتعمل اتعمل
طيب لو عمر اتكلم ؟؟؟؟؟؟؟...



ييييييييييييييييه انا نسيت الغسيل طلعت
البلكونة أنشره وقعدت أفتكر ايه بيتنشر الاول وايه اللى ورا ؟
طيب ايه من رجله وايه من قفاه ؟ ايه الفيلم ده دول الستات دول ناس رايقة ما كله هينشف وخلاص ولاحظت وجود سيدة أروبة فى البلكونة تراقبنى كى ترى العروس الميمونى
اللى هى انا هتنشر ازاى ؟ ولا همنى من نظراتها وعملت كرنفال من الهدوم ابيض على
احمر على اخضر واديله المهم ينشفوا وخلاص !


ورجعت للكارثة الموجودة فى المطبخ وتذوقت ما طبخته
وصرخت ياللهول
على رأى يوسف وهبى! طيب والحل وفتحت الفريزر لأجد ماما حبيبتى وكأنها عارفة
المصيبة اللى هعملها واضعة كمية كبيرة من أكياس الهامبورجر والدجاج النصف مقلى
والطبخات السريعة الحمد لله كنت هطلق وانا لسه فى شهر العسل



يااااخبر ده عمر بيرن على الموبيل اذن هو فى
الطريق وطبعا ملابسى لا توصف من القنابل اللى كنت باعملها فى المطبخ كرنفال من
البصل والثوم والزيت ...لميت الكوارث اللى عملتها ووضعتها فى الثلاجة وجريت على الحمام وأزلت اثار العدوان وغيرت
ملابسى... أمال هم بييجوا فى التليفزيون بيطبخوا وكأنهم رايحين سهرة ليه
؟



ودخل عمر وبسرعة
أظهرت البوز المتين
على غلاسته معايا قبل ما ينزل وانتظرت ان يأتى يصالحنى كالمعتاد ولا فائدة .... ثم
لاحظت انه متعب ويتنفس بصعوبة فجريت عليه انا وقلت له ( مالك
يا حبيبى ... انت تعبان ؟) وأخذت أمسح له عرقه وأسقيه الماء وأنا أكاد
أبكى
( وأقول له انشاالله انا وانت لا يا حبيبى ) وانا ممسكة
يده الضعيفة وفجأة ... اشتدت قبضته على وجذبنى له وضحك بقوة وقال ( لما انتى بتموتى فيا كده ما تكشريش ابدا فى وشى اتفقنا
؟

الرجوع الى أعلى الصفحة اذهب الى الأسفل
duncan2020
ماسي أحلي حب
ماسي أحلي حب
avatar

عدد المساهمات : 556
نقاط : 580
تاريخ التسجيل : 08/12/2009
العمر : 30
السٌّمعَة : 0

مُساهمةموضوع: رد: يوميات عمر و سارة (2)   الخميس مارس 25, 2010 4:28 am

ديه مشكله عدم تعليم الطبخ


حلقه جاااامدة


منتظرين الباقي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hamst atab
Piece Of Heart ♥
Piece Of Heart ♥
avatar

عدد المساهمات : 1396
نقاط : 1593
تاريخ التسجيل : 07/01/2010
العمر : 27
السٌّمعَة : 4
الموقع : www.ahla7ob.hooxs.com

مُساهمةموضوع: رد: يوميات عمر و سارة (2)   الخميس مارس 25, 2010 3:35 pm


ههههههههههههههه

حلوه الحلقه ديه

مستنيه اللى جايه

_________________


عارف لو كان علية
نفسي أخداك بين ايدية
وفي قلبي أقفل عليك
وعيوني بيك ترتاح شوية


•·.·´¯`·.·• (NaDa ) •·.·´¯`·.·•
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
™ R. Quaresma
™ El MagiCo0o
™ El MagiCo0o
avatar

عدد المساهمات : 1686
نقاط : 1976
تاريخ التسجيل : 26/11/2009
العمر : 27
السٌّمعَة : 11
الموقع : أحلي حب

مُساهمةموضوع: رد: يوميات عمر و سارة (2)   السبت مارس 27, 2010 7:56 am


وربنا الإتنين دول سايكوووووووو أخر حاجة

إيه الهبل ده هههههههههههههههههه

تصدقي يا نهي انتي فتحتي نفسي ع الجواز والله
مش مهم الأكل هقضيها دليفري وعوضي علي الله
بس اكرمني يارب بواحدة هابلة كدة
ههههههههههههههههه

منتظرك يا نهي

_________________
™️¤¦ ملكة الرومانسيه ¦¤™️



عدل سابقا من قبل R. Quaresma في الأحد مارس 28, 2010 6:43 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/quaresma3?ref=profile
????
زائر



مُساهمةموضوع: رد: يوميات عمر و سارة (2)   السبت مارس 27, 2010 10:43 pm

ميرسي ليكم

نورتوووني

هههههههههههههههههههه


هشوفلك عروسه يا مصطفى Very Happy

انتظروا الجديد

الرجوع الى أعلى الصفحة اذهب الى الأسفل
????
زائر



مُساهمةموضوع: رد: يوميات عمر و سارة (2)   السبت مارس 27, 2010 11:08 pm



الحلقة
الثامنة


استيقظت منتفضة على رنين
المنبه المزعج واعلانه الساعة السادسة والنصف صباحا وشعرت بألم فى كل جسدى فأنا لم
أنم سوى ساعتين
بعد صلاة الفجر التى صليناها انا وعمر

واليوم هو أول يوم نعود فيه للعمل وطبعا عمر ولا على باله فعمله قريب
من منزلنا الجديد تقريبا ربع ساعة بالسيارة اما انا فيبعد حوالى ساعة وربع فى أفضل
الظروف ولم أكن أشعر بهذا قبلا بل كان قريب من منزل ابى وأمى أما الان فلازم ألف
الكرة الارضية علشان أوصل عملى ...


والأسوأ
أن عمر لن يستطيع توصيلى لأن جهة عملى وجهة عمله مختلفتان تماما فلو وصلنى اولا...
سيصل هوعمله بعد اذان الظهر وسيرفدوه باذن الله ونشحت على باب السيدة بعد أسبوع على
الاكثر ! اذن لا مفر من حرب المواصلات الرهيبة أن أخوضها وحدى ولا أستطيع حتى الشكوى لأن عمر من البداية
غير موافق على عملى ولكنى أصريت فلا أستطيع حتى التنفس بكلمة واحدة ...


الحمد لله انا لا أفطر يعنى هلبس
بسررررعة جدا) وأجرى لألحق بالميكروباص الشيك جدا لعلى أصل فى موعدى فى اول يوم مش
ضرورى كرامتى تتبعتر من المدير وانا عروسة كده !

ارتديت ملابسى على عجل وأخرت ايقاظ عمر الى اخر لحظة
كى ينام قليلا ... وبعد اتمام ملابسى وارتدائى الطرحة والشنطة كمان اقتربت منه
وقبلته فى جبينه وهمست له ( صباح الخير يا حبيبى
... اصحى بقى كفاية كسل )


-
صباح الفل يا حبيبتى ...
ايه ده انتى لبستى بسرعة كده ؟ كان نفسى أوصلك بس بعون الله لما نلف القاهرة كل يوم
حنترفد انا وانتى جماعة
- ولا يهمك يا حبيبى انا قدها وقدود ... على فكرة هتوحشنى لحد ما أرجع ..
يالا مع السلامة أحسن كده اتأخرت


-
وانتى أكتر يا حبيبتى بس امتى لحقتى تحضرى الفطار؟
انتى صحيتى امتى على كده ؟
-
فطار ؟! ايه الكلمة الغريبة دى ؟
ما انت عارف انى مش بافطر يا حبيبى ؟
وبعدين مفيش وقت خالص


- فرد
بعناد
: بس أنا بقى بافطر وخصوصا قبل ما اروح الشغل لازم أفطر فطار متين علشان مش باكل
برة وبأفضل عليه لحد ماأرجع.... والدتى كانت معودانى على كده

-
رديت فى سرى وانا أنظر للساعة ( الله يسامحك يا حماتى اى حاجة حلوة تبقى من ناحيتك
على طول ( ) طيب والفطار المتين ده يبقى ايه يا
سيدى؟


- عادى زى كل الناس
بيض مسلوق أو عجة وطبق فول بالزبدة ولانشون وجبنة وزيتون وزبادى
وطبق خضار كبير خيار وطماطم وخس متقطعين شرايح رفيعة خالص وطبعا كوباية حليب وبعدها
شاى وخلاص !

- يا
خبر أبيض ده لو كل الناس بتفطر كده ممكن تحصل مجاعة فى البلد .. وبعدين
اللى انت بتقوله ده عاوزله ساعة على الأقل وانا متأخرة يا عمر




- رد بعناد أكبر : ما أنا قلت الشغل مش هييجى منه غير وجع القلب .. يعنى انتى
عاوزانى أنزل من غير فطار يا سارة


-
(لا ازاى أترفد انا فى داهية ...علشان تفطر الفطار المتين يا سيدى !) قلتها فى سرى طبعا وأنا أكاد أبكى وانا متجهة الى المطبخ
لأعداد وليمة الفطار لسى السيد

توجهت الى المطبخ وأنا أجرى مثل البهلوان أضع البيض على النار وأقطع الخيار وأخرج الجبنة من الثلاجة
وأسخن الفول وووووووووو ... مش ممكن كل ده حياكله ابدا !

ده انا طول عمرى بأتريق على المسلسلات التى تجعل جميع
الأسرة صباحا يجتمعون على مائدة الافطار وعليها عشرة أصناف على الأقل وكان يستفزنى
جدا طبق البيض المسلوق الموضوع به 40 بيضة والشاى لابد ان يكون مقدم فى طقم كامل
البراد والسكرية وخلافه يعنى لازم الزوجة علشان تعمل الهيصة دى كلها تبتدى تحضر
الفطار من اذان الفجر تقريبا او ما تنامش أسهل وخلاص علشان الباشا يفطر الفطار
المتين !!



أخيييييرا انتهيت ووضعت الاطباق على السفرة وكان
الباشا بيقرأ الجريدة
بمنتهى الرواقة وصببت الشاى فصرخ وانا أصبه
(لا يا سارة انا قلت لك
الحليب الاول وبعدين الشاى !)

فنظرت الى ساعة يدى وجدتها الثامنة الا ثلث فكدت
أبكى فلم أرد ان ابدأ اليوم بخناقة فرديت عليه من تحت أسنانى ( معلش
يا عمر فيه شاى تانى كتير ... انا نازلة بقى أصلى اتأخرت جدا جدا
)

- طيب يا حبيبتى افطرى الاول
!

-
حبيبتك ؟! طيب سلااااااااااااام )



ونزلت من العمارة وانا أجرى
تقريبا وأكيد البواب قال يا عينى دى العروسة الجديدة الظاهر واخدة علقة على
الصبح
وهربت من العريس !
مشيت مسافة طويلة حتى موقف الميكروباص لأن الميزانية لا
تسمح بتاكسى بالطبع
وانتظرت طويلا حتى وجدت مكان فاضى وركبت وسرحت فى الطريق وانا افكر ان هذه هى
البداية الجادة للزواج لابد فيها من تعب وارهاق ومسئولية كبيرة ........الله يكون
فى عونك يا ماما طول عمرها بتشتغل وعمرها ما أشعرتنا بأى تقصير ...


انا
كان مالى ومال الحدوتة دى ما كنت مريحة دماغى ولا فطار متين لا مواصلات ولا بهدلة

بس ايه البديل ؟ الوحدة ؟ الصمت ؟ الفراغ والاكتئاب ؟ العنوسة بكلمة أشمل ؟ لا طبعا
مهما بذلنا من جهد فى دائرة الزواج أفضل بكثير جدا من الراحة خارجه ... ربنا يخليك
لى يا عمر وتفطر كل يوم !بس ربنا يستر من المدير وغلاسته !


أهلاااااااااااا يا سى عمر .... ايه يا عم جاى فى
ميعادك تمام ... الف مبروك يا عريس ايوة كده وشك نور على الجواز ! يالا يا سى عمر احكى لنا كل حاجة بالتفصيل
ولا أقول لك بلاش انت ايه رأيك الجواز حلو ولا زى ما بنسمع من الرجالة
؟


يا سيدى الله يبارك فيك
والله الجواز ده أكبر نعمة للرجل واللى يقول غير كده يبقى جاحد للنعمة بصراحة
ياعم ياعم
طيب يا سيدى ربنا يسعدك لما نشوف رأيك ايه بعد سنتين





- الف
مبروك يا عروسة ناموسيتك كحلى ( متأخر ساعة بحالها طبعا يا ستى مين قدك ده انتى حتى
شكلك ما نمتيش كويس.. طبعا يا ست العرايس ربنا يسعدك ...

يالا بقى احكى لنا كل
حاجة بالتفصيل الممل .... الا صحيح يا سارة العريس لازم يحضر الفطار لعروسته بنفسه
؟

- ايوة طبعا لازم يحضر لها
فطار متين كل يوم !!!!


وطبعا استدعانى المدير
وأخذت كم لا بأس به من الكلام البارد على تأخيرى
وتلميح على ان لو كان الجواز هيغيرنى يبقى أقعد فى بيتنا أسهل أقشر بصل !


يا حبيبتى يا سارة
وحشتينى الكام ساعة دول ... لما أبعت لها رسالة علشان تعرف انى بافكر فيها ( يا ترى
يا قمر بتفكر فيا زى ما بافكر فيك فردت على الفور انا كمان بافكر فيك يا حبيبى
وقلقانة عليك من طن الأكل المتين اللى أكلته الصبح ... ربنا يستر وما تاكلنيش وانا
نايمة !)

وأخيرا انتهى اليوم الساعة الثالثة وعمر ينتهى من عمله فى الخامسة
ياااااااارب ألحق أوصل بسرعة وأحضر الغداء .... ورجعت فى نفس رحلة العذاب الصباحية
فى المواصلات ولكن مع الحر والرطوبة ما شاء الله ما أقدرش أوصف شعورى ...


وصلت بيتى الساعة 4 وتلت تقريبا يعنى ساعة وعمر جاى وانا أكاد أقع من التعب
وقلة النوم طيب ياربى هلحق اخد حمام
من الحر الفظيع ده ولا أجهز الغداء ولا أرتب البيت فسيادته لم يرفع حتى أطباق معركة
الفطار الصباحية ( ... لم أعرف ماذا أفعل فوقفت فى منتصف الصالة وصرخت ( تعاااااالى
لى يااااااااااامامااااااااااااا (


الرجوع الى أعلى الصفحة اذهب الى الأسفل
duncan2020
ماسي أحلي حب
ماسي أحلي حب
avatar

عدد المساهمات : 556
نقاط : 580
تاريخ التسجيل : 08/12/2009
العمر : 30
السٌّمعَة : 0

مُساهمةموضوع: رد: يوميات عمر و سارة (2)   الأحد مارس 28, 2010 4:08 am

ههههههههههه



الحقله كل مرة تزداد ممتعه

نيس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
™ R. Quaresma
™ El MagiCo0o
™ El MagiCo0o
avatar

عدد المساهمات : 1686
نقاط : 1976
تاريخ التسجيل : 26/11/2009
العمر : 27
السٌّمعَة : 11
الموقع : أحلي حب

مُساهمةموضوع: رد: يوميات عمر و سارة (2)   الأحد مارس 28, 2010 6:56 am



أنا متعاطف مع سارة الحقيقة

سارة دي عايزة واحد زيي

لا فطار لا غدا لا عشا لا نوم

أنا منتظر عمر الرخم ده يصالحها

ماليث دحوة خليه يصالحها يا نهي

ههههههههههههههه

منتظرك يا قمر

_________________
™️¤¦ ملكة الرومانسيه ¦¤™️

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/quaresma3?ref=profile
™ R. Quaresma
™ El MagiCo0o
™ El MagiCo0o
avatar

عدد المساهمات : 1686
نقاط : 1976
تاريخ التسجيل : 26/11/2009
العمر : 27
السٌّمعَة : 11
الموقع : أحلي حب

مُساهمةموضوع: رد: يوميات عمر و سارة (2)   الأحد مارس 28, 2010 7:00 am

ملكة الرومانسيه كتب:
ميرسي ليكم

نورتوووني

هههههههههههههههههههه


هشوفلك عروسه يا مصطفى Very Happy

انتظروا الجديد



هههههههههههههههههههههه

بس تكون هابلة زي سارة والنبي

منتظرينك يا قمر

_________________
™️¤¦ ملكة الرومانسيه ¦¤™️

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/quaresma3?ref=profile
????
زائر



مُساهمةموضوع: رد: يوميات عمر و سارة (2)   الأحد مارس 28, 2010 3:48 pm

ميرسي ليك يا محمد

وميرسي يا مصطفى


ههههههههههههههههه

حلوه هابله دي يا مصطفى

مش تخاف مش تخاف كل البنات هااااااابله

هجيبلك واحده ايه قمر قمرررررررررررررر

ايه رايك ف دي ....سمي بس الاول قبل ما تشوفها


يامسهل سميت ولا لا


سمي الاول ممكن تتغير ولا حاجه Very Happy



عســــــــــــــل








قمر ياخواااااتي









يلهوي على الجمااااال





امســـــــــــك







ههههههههههههههههههههههههههههههههههههههههههه

قمر يا طفطف... نفس المواصفات اللي انت عايزها



انا هخلع بقى مش عايزه ضرب انا قولت اهووو


الرجوع الى أعلى الصفحة اذهب الى الأسفل
duncan2020
ماسي أحلي حب
ماسي أحلي حب
avatar

عدد المساهمات : 556
نقاط : 580
تاريخ التسجيل : 08/12/2009
العمر : 30
السٌّمعَة : 0

مُساهمةموضوع: رد: يوميات عمر و سارة (2)   الأحد مارس 28, 2010 7:18 pm


ماشاء الله ماشاء الله


العروسه للعريس والجري للمتاعيس


مبروك يا درش


ربنا يتمم بخير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hamst atab
Piece Of Heart ♥
Piece Of Heart ♥
avatar

عدد المساهمات : 1396
نقاط : 1593
تاريخ التسجيل : 07/01/2010
العمر : 27
السٌّمعَة : 4
الموقع : www.ahla7ob.hooxs.com

مُساهمةموضوع: رد: يوميات عمر و سارة (2)   الأحد مارس 28, 2010 10:27 pm


اولا حلقه جااامده مووت يانهى
بس ساره هبله اوى انها بتحضرله الفطار المفروض هو اللى يحضره

ثانيا الف مبروك يامصطفى على العروسه الاموره ديه

ماشاء الله قمر ياا خواتى هههههههههههه

_________________


عارف لو كان علية
نفسي أخداك بين ايدية
وفي قلبي أقفل عليك
وعيوني بيك ترتاح شوية


•·.·´¯`·.·• (NaDa ) •·.·´¯`·.·•
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
????
زائر



مُساهمةموضوع: رد: يوميات عمر و سارة (2)   الإثنين مارس 29, 2010 10:44 am

ههههههههههههههههههههه

يلا يا عم اهوو الشعب كله بيهنيك بالعروسه الاموووووووووووره دي (استغفر الله العظيم )


مبروووك عليك
الرجوع الى أعلى الصفحة اذهب الى الأسفل
????
زائر



مُساهمةموضوع: رد: يوميات عمر و سارة (2)   الإثنين مارس 29, 2010 11:03 am

الحلقة العاشرة





أخيرا جه يوم الجمعة
.. يوم الاجازة .. مفيش صحيان بدرى ولا جرى على الشغل ...يا حبيبتى يا سارة نايمة
زى الملاك ( ... تعبت جدا الاسبوع ده ... بس اكيد هتتعود وهيبقى
الموضوع أسهل عليها وانا كمان بقيت أساعدها شوية بس علشان بس بحبها ....
فرصة والدنيا لسه هادية أقوم اقعد لوحدى شوية واقرأ الجرايد على رواقة واشرب كوباية
شاى موزونة ومش ضرورى فطار النهاردة !


الله الشقة شكلها جميل اوى الصبح .......الشمس داخلة
من الشبابيك والستائر الحرير معطيه نعومة ورقة للبيت .........كل البيت ده بتاعى
انا ؟! ده انا طول عمرى ليا اوضة واحدة فى بيت والدى وكنت باعتبرها مملكتى الخاصة
وناقص اكتب عليها ممنوع الاقتراب او التصوير ! فجأة الاقى لى شقة كاملة جميلة زى دى وانا راجل البيت () ؟؟!
احساس رائع باكتمال الرجولة يارب يديمه علينا ..........


وجلست أقرا الجرائد
فى روقان وهدوء حتى مر الوقت وباقى ساعة على صلاة الجمعة .... فرصة أقرأ سورة الكهف
قبل ان انشغل فى اى حاجة تانية .......


اول مرة
اصحى براحتى من اسبوووووع كامل مش مفزوعة من صوت المنبة الجبار.... صحيح الستات
مفروض يقعدوا فى البيت بس علشان يناموا براحتهم ! ايه ده عمر فين ؟ الراجل طفش ولا ايه ؟
باضحك جدا لما
اشوف فى التليفزيون واحدة صاحية من النوم وقبل ما تفتح عينيها تتحسس مكان نوم جوزها
كأنها بتدور على فردة شراب مثلا ! طيب ما تفتح عينيها أسهل وهتكتشف ان المذكور
فلسع من بدرى (!


تلاقيه طلع نام فى الصالة ولا بيتكلم فى التليفون
..........لا مفيش وقت دى صلاة الجمعة قربت .... واقتربت لأشاهد منظر جميل طالما
حلمت به قبل زواجى ....... وجدت عمر يجلس تحت شباك الصالة وممسكا بالمصحف ويقرأ فى
خشوع بصوت رخيم وتجويد سليم حتى انه لم يشعر بوجودى ..........اقتربت لأجلس بجواره
استمع إليه ولكنى وجدت نفسى لا شعوريا أجلس تحت أقدامه فليس الرجل الغنى او الوسيم
هو من تعشقه المرأة ....... ولكنه الرجل الذى يخشى الله () .........

جلست
تحت أقدامه أستمع لسورة الكهف وكأنى أسمعها لأول مرة ... سعدت من صوته الرخيم
وخشوعه وأحاط بنا هدوء واطمئنان وكأن الملائكة يباركون اجتماعنا..... وانا اختلس
النظر لوجهه وهو يقرأ لأستمتع بملامحه الخاشعة وأشكر الله على نعمته التى انعمها
على ... حتى انتهى من القراءة وجذبنى من يدى لأجلس بجواره وسألنى
:

- ليه يا حبيبتى قعدتى على الأرض ؟ ده انتى
تقعدى جوه عينى


- لا يا حبيبى حسيت انك
كبير اوى وانت فى حالة الخشوع دى ما قدرتش أقعد جنبك ........

- ياااه انتى مكبرة الموضوع ربنا بس يتقبل .... وانتى متعودة على
قراءة سورة الكهف كل جمعة ؟


- بصراحة ساعات
ساعات مش دايما ....


- لا يا حبيبتى ان شاء
الله نقراها دايما سوا ..... وبعدين خليكى شطورة واسمعى كلام عمو عمر علشان اديكى
الهدية اللى جبتهالك امبارح


- نطيت بسرعة : ايه ده
هدية ؟ كده وساكت من امبارح يا غلس
- أصلهم مش هدية واحدة دول
اتنين


- كمان ؟ كفاية غلاسة بقى
... يالا مش قادرة استنى

- رد بمكر ذو مغزى : طيب
تدفعى كام () ؟


- فهمت مقصده وقلت له : مش
عاوزة منك حاجة
- طيب خلاص خلاص انا باضحك
معاكى شوفى يا ستى دول أهم هديتين حتاخديهم فى حياتك ........ اول واحدة اتفضلى يا
ستى تاتاتاتاتاتاتاتاتا....
.

- وفتحت لفة الهدية
البراقة ثم صرخت بخيبة امل : يااااااااااااااسلام حصالة !!!!!!!!! لا والله وجاى على نفسك كده ليه ؟ ودى أحط فيها
مصروف البيت ولا أحوش لبنتك اللى فى خامسة ابتدائى ؟!


- ياساتر يارب ...
استنى شوية ... ايه ده مدفع رشاش ؟ استنى لما افهمك حتعملى بيها ايه ؟


- اتفضل يا عم الموفر !


- وتجاوز عن التريقة
ورد بصبر : دى يا ستى انا وانتى هنحوش فيها كل يوم اى مبلغ ان شا الله جنية واحد
اى فلوس والسلام ونيجى اخر الاسبوع يوم الجمعة نفتح الحصالة ونتصدق بالمبلغ ده
وبكده نكون كل يوم بنطلع صدقة حتى لو كانت بسيطة ...وممنوع انه يعدى يوم من غير اى
صدقة حتى لو مش هناكل اليوم ده ......وبكده هنلاقى بركة فى دخلنا غير عادية
.........فهمتى يا حبيبتى ؟


- رديت بانبهار وسعادة بالغة : ياخبر ايه الفكرة
الروعة دى ؟ جبتها منين دى ؟


- يعنى موافقة
؟ طيب نيجى للهدية التانية شوفى يا حبيبة قلبى ده مصحف مجزء ل30 جزء ....... هتيجى
على الدرجين بتوع البوفيه وترمى كل الكوارث اللى فيهم وتفضيهم خالص وتحطى أجزاء
المصحف فى الدرج اليمين وكل يوم انا وانتى كل واحد منا ياخد جزء محدد ويقراه ولما
يخلصه سواء فى يوم او كذا يوم يحطه فى الدرج الشمال وياخد جزء جديد وهكذا لحد ما
الدرج الشمال يتملى خالص نعرف ان انا وانتى ختمنا المصحف مرة ....وبعد كده نرجعه
تانى للدرج اليمين وهكذا على طول ....... ايه رايك ؟


- بجد مش عارفة أرد وأقول ايه غير انى أشكر ربنا انه أهدانى بيك
.....

- بصى يا سارة الحب مش بيستمر بين الزوجين
بالكلام الحلو ولا بالفلوس ولا حتى بالأولاد لكن بيستمر بطاعة ربنا وبركته لهم ...
واحنا عاوزين بيتنا ده بيت طائع لله علشان ربنا يبارك لنا فى حياتنا واولادنا اللى
جايين ان شاء الله (


- ربنا يكرمك ويخليك لى
يارب وتفضل كده على طول () ...

- ياااااااااااه
ده انا كده هتأخر على الصلاة يالا بقى مع السلامة ......على فكرة هخرج مع
اصحابى شوية بعد الصلاة وهرجع على الغداء .

- طيب
ما تنساش تدعى لى .......مع السلامة !


وخرج حبيبى وانا
اودعه وأشكر الله على ان أهدانى هذا الزوج ) .... ثم توضئت وصليت الظهر وجلست أقرأ
سورة الكهف ووعدت نفسى الا أقطعها ابدا فى اى يوم جمعة ....

ثم اخرجت
محتويات درجين البوفيه ورصيت بالدرج الايمن كل الاجزاء وبدأت بأول جزء وسجلت تاريخ
هذه الختمة فى ورقة صغيرة كى نعلم متى سننتهى منها ......... ثم جلست أقرأ القران
لفترة طويلة.......

ثم قمت لتحضير الغداء والذى كان لحسن الحظ معونة
انسانية من ماما بعد ما حكيت لها ماساتى مع الاكل وان ممكن اتطلق وانا فى شهر العسل
من الكوارث اللى باعملها .....فالظاهر خافت انى ارجعلهم وهم ما صدقوا يخلصوا منى
!! فطبخت لى كام صنف تحفة ...ربنا يخليكى ليا يا مشرفانى !



أريد ان يكون هذا اليوم جميلا لأكافىء عمر
على هداياه الرائعة ......... اعددت الغداء وجملت السفرة بورود ورششت معطر جو هادىء
وبدلت ملابسى لأرتدى عباءة ناعمة وتركت شعرى منسدلا على كتفى وتعطرت وطلبت عمر
فأخبرنى انه مع أصحابه () ....طيب وبعدين ؟

رنيت عليه ثانية فلم يرد .....
ارسلت له رسالة ( تعالى بقى يا عمر .. انت اتأخرت اوى ) برضه لم يرد
أرسلت
رسالة ثانية ( يا سيدى كفاية تقل .....بجد وحشتنا )
لم يرد !!!!
فأرسلت له الضربة القاضية ( خلاص يا حبيبى ....خليك
براحتك بس شهرزاد كان نفسها تشوفك اوى .....خلاص بقى تدخل تنام أحسن !)
وطبعا كما توقعت جاء بعد دقائق معدودة ..........وسكتت
شهرزاد عن الكلام المباح


الرجوع الى أعلى الصفحة اذهب الى الأسفل
™ R. Quaresma
™ El MagiCo0o
™ El MagiCo0o
avatar

عدد المساهمات : 1686
نقاط : 1976
تاريخ التسجيل : 26/11/2009
العمر : 27
السٌّمعَة : 11
الموقع : أحلي حب

مُساهمةموضوع: رد: يوميات عمر و سارة (2)   الثلاثاء مارس 30, 2010 12:29 pm

ملكة الرومانسيه كتب:
ميرسي ليك يا محمد

وميرسي يا مصطفى


ههههههههههههههههه

حلوه هابله دي يا مصطفى

مش تخاف مش تخاف كل البنات هااااااابله

هجيبلك واحده ايه قمر قمرررررررررررررر

ايه رايك ف دي ....سمي بس الاول قبل ما تشوفها


يامسهل سميت ولا لا


سمي الاول ممكن تتغير ولا حاجه Very Happy



عســــــــــــــل








قمر ياخواااااتي









يلهوي على الجمااااال





امســـــــــــك







ههههههههههههههههههههههههههههههههههههههههههه

قمر يا طفطف... نفس المواصفات اللي انت عايزها



انا هخلع بقى مش عايزه ضرب انا قولت اهووو



ههههههههههههههههههههههههههههههههههههههه

الله حلوة أوووووووي أوووووووووي
مووووووووووزة طحن

أعوذ بالله من الشيطان الرجيم
بسم الله الرحمن الرحيم

إيه الجمال ده ههههههههههه
إيه الصدمة دي
لقيتيها فين دي تحت الهرم طبعا
كانت مدفونة تحت

ماشاء الله دي أمورة خالث خالث

مث متجوز ابتن ابتن
قرار لا رجوع فيه

عليه العوض ومنه العوض
حسبي الله ونعم الوكيل

_________________
™️¤¦ ملكة الرومانسيه ¦¤™️

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/quaresma3?ref=profile
™ R. Quaresma
™ El MagiCo0o
™ El MagiCo0o
avatar

عدد المساهمات : 1686
نقاط : 1976
تاريخ التسجيل : 26/11/2009
العمر : 27
السٌّمعَة : 11
الموقع : أحلي حب

مُساهمةموضوع: رد: يوميات عمر و سارة (2)   الثلاثاء مارس 30, 2010 12:34 pm

duncan2020 كتب:

ماشاء الله ماشاء الله


العروسه للعريس والجري للمتاعيس


مبروك يا درش


ربنا يتمم بخير


هههههههههههههههههههههههههه
عقبالك يا محمد

_________________
™️¤¦ ملكة الرومانسيه ¦¤™️

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/quaresma3?ref=profile
™ R. Quaresma
™ El MagiCo0o
™ El MagiCo0o
avatar

عدد المساهمات : 1686
نقاط : 1976
تاريخ التسجيل : 26/11/2009
العمر : 27
السٌّمعَة : 11
الموقع : أحلي حب

مُساهمةموضوع: رد: يوميات عمر و سارة (2)   الثلاثاء مارس 30, 2010 12:41 pm

hamst atab كتب:

اولا حلقه جااامده مووت يانهى
بس ساره هبله اوى انها بتحضرله الفطار المفروض هو اللى يحضره

ثانيا الف مبروك يامصطفى على العروسه الاموره ديه

ماشاء الله قمر ياا خواتى هههههههههههه


كدة يا نودا
فرحانة فيا

(العروسة الأمورة ديه )
دي مش عروسة يا نودا دي مثال لعملية التحنيط عند الفراعنة
بس من ناحية أمورة هي أمورة الحقيقة
موووووزة أخر حاجة

(قمر ياا خواتي)
أه هي قمر بس قمر بالستر

دي بتحشش يا جماعة
شكلها ست مفترية
ربنا يقدرني عليها

يارب اقدر اسعدها

_________________
™️¤¦ ملكة الرومانسيه ¦¤™️

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/quaresma3?ref=profile
™ R. Quaresma
™ El MagiCo0o
™ El MagiCo0o
avatar

عدد المساهمات : 1686
نقاط : 1976
تاريخ التسجيل : 26/11/2009
العمر : 27
السٌّمعَة : 11
الموقع : أحلي حب

مُساهمةموضوع: رد: يوميات عمر و سارة (2)   الثلاثاء مارس 30, 2010 12:45 pm

ملكة الرومانسيه كتب:
ههههههههههههههههههههه

يلا يا عم اهوو الشعب كله بيهنيك بالعروسه الاموووووووووووره دي (استغفر الله العظيم )


مبروووك عليك


انتي أيووووووووووووه منك انتي
يا مين يطولني عليكي دلوقتي

أنا اتجوز الهرم ده
وبتقولي عليها عروسة

بس الهرم ده مقبول منك برده
أنا موافق يا نهي العروسة دخلت دماغي
ها أجي اتقدملها امته

مااااشي يا سايكوووووو

_________________
™️¤¦ ملكة الرومانسيه ¦¤™️

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/quaresma3?ref=profile
™ R. Quaresma
™ El MagiCo0o
™ El MagiCo0o
avatar

عدد المساهمات : 1686
نقاط : 1976
تاريخ التسجيل : 26/11/2009
العمر : 27
السٌّمعَة : 11
الموقع : أحلي حب

مُساهمةموضوع: رد: يوميات عمر و سارة (2)   الثلاثاء مارس 30, 2010 12:56 pm


اممممممممممممممم

جااااامدة الحلقة دي

بس أنا حاسس إن فيها مثالية أكثر من اللازم

بس حلقة جميلة جدا كالعادة طبعا

النهاية غامضة جدا علي فكرة

منتظرك يا ملكة

_________________
™️¤¦ ملكة الرومانسيه ¦¤™️

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/quaresma3?ref=profile
duncan2020
ماسي أحلي حب
ماسي أحلي حب
avatar

عدد المساهمات : 556
نقاط : 580
تاريخ التسجيل : 08/12/2009
العمر : 30
السٌّمعَة : 0

مُساهمةموضوع: رد: يوميات عمر و سارة (2)   الثلاثاء مارس 30, 2010 4:06 pm

بجد بجد ديه أجمد حلقة يا {ملكة}



وبجد باللي عمله عمر ده ربنا هيزيده ويقوي الحب اللي بينه وبين سارا


منتظر الباقي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hamst atab
Piece Of Heart ♥
Piece Of Heart ♥
avatar

عدد المساهمات : 1396
نقاط : 1593
تاريخ التسجيل : 07/01/2010
العمر : 27
السٌّمعَة : 4
الموقع : www.ahla7ob.hooxs.com

مُساهمةموضوع: رد: يوميات عمر و سارة (2)   الثلاثاء مارس 30, 2010 9:05 pm


جامده اوى يانهى الحلقه ديه

بس انا موافقه على راى مصطفى انها مثاليه زياده شويه

بس طبعا الحب لما بيبقى فى رضا ربنا

ربنا بيكبره ويحافظ عليه ويقويه

مستنيه الحلقه اللى جايه

_________________


عارف لو كان علية
نفسي أخداك بين ايدية
وفي قلبي أقفل عليك
وعيوني بيك ترتاح شوية


•·.·´¯`·.·• (NaDa ) •·.·´¯`·.·•
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
????
زائر



مُساهمةموضوع: رد: يوميات عمر و سارة (2)   الخميس أبريل 01, 2010 3:45 pm

هههههههههههههههههههه

لا مفيش عروسه بقى يا مصطفى مااااتت خلاص موتهالك اهو ياسيدي Very Happy

ميرسي لردودكم

انتظرووا الحلقه القادمه

بعد الفــــــاصل

الرجوع الى أعلى الصفحة اذهب الى الأسفل
????
زائر



مُساهمةموضوع: رد: يوميات عمر و سارة (2)   الخميس أبريل 01, 2010 3:45 pm

الحلقة الحادية عشرة



معقوووول مر شهرين على
زواجى انا وعمر!؟ مروا بسرعة جدا حياة جديدة فى كل شىء فى المسئولية والمشاركة
والمشاعر فى كل شىء ...... حتى اصدقائى اللى كنت برغى معاهم بالساعات فى التليفون
اصبحت لا اراهم الا نادرا ولو تكلمنا فى التليفون يكون حديث سريع لألحق كل الأشغال
اللى ورايا ........


وشقتى الجديدة أصبحت مملكتى بجد وبعد ما كنت أنظف
حجرتى فى بيت ماما بالعافية وبعد استدعاء البوليس () أصبحت لا أطيق ان ارى منزلى
غير مرتب وأتخانق مع عمر لو رمى ملابسه او كتبه كالمعتاد رغم ان كتبى واشيائى
الخاصة زمان كانت محتاجة خريطة للوصول لها ! لكنه هو الحب الذى يجمعك بمكان تشعرين انه ملكك وحدك تكونين
فيه على راحتك وتفعلين ما تشاءين .......

حتى ان منزل والدى اضطررت ان ابيت
فيه ليلة عندما مرضت أمى .بجد لم أستطع النوم مش عارفة ازاى مش هو نفسه السرير اللى
نمت عليه اكثر من عشرين سنة ؟ احساس لا يعلم تفسيره الا الله الذى يريد لنا ان نعمر
بيوتا وبيوتا حتى نعمر الارض جميعا .........


وانا وعمر متفاهمين جدا
لكن لا يخلو الأمر من غلاسة وتحكم فى أشياء تافهة كى يثبت لنفسه انه سى السيد
ولاأعلق عليها وأجعلها تمر كى لا تصبح كارثة ..شىء واحد هو ما يحيرنى ويضايقنى فعلا
– باستثناء حماتى طبعا
- وهو مصاريف البيت لا أعرف ماذا يمكن ان يفعل شابين يعملان عمل شاق يوميا كى يوفرا
مصاريف الايجار والاكل والدواء والخروج والمجاملات الخ الخ الخ ... ؟




طبعا يحتاجان معجزة من السماء كى تحل لهم لغز الاسعار ...وأصبحت
بعد ان كنت أصرف مرتبى على العطور والكريمات والمجلات ...أصبحت أبحث 10 ساعات قبل
ان اشترى زيت الطعام كى أعرف اى نوع أوفر ؟ وأصبحت أفاصل مع اى بائع رغم انى كنت
باقول لماما دايما ان ده تصرف بيئة ! وأصبحت أحمل هم اى مناسبة غير معمول حسابها مثل فرح او خلافه
نضطر اسفين ان نجامل اصحاب المناسبة فيه لأن ده معناه ان بقية الشهر هنقضيه تونة
وجبنة !


ولكن ليس هذا ما يضايقنى فقط ولكن تصرف عمر
الغريب تجاه مصروف البيت هو ما يضايقنى جدا ......... وهو انه لا يخصص مبلغ معين
لمصروف البيت وانا اساعده فيه ونصرف منه سويا لا هو يدفع الايجار وبعض الاشياء
الاخرى وانا عندما أقبض مرتبى أسارع لأنفقه كله تقريبا على خزين المنزل من سكر وزيت
وخضار ولحوم وخلافه وهو متقبل ده عادى وبدون مشاكل ....حتى انى طلبت منه مرة مبلغ
كى أشترى شىء للمنزل فرد على ببساطة ( ما انتى معاكى فلوس يا سارة
هى خلصت ؟
)


طبعا اتضايقت جدا من رد فعله ده :هل المفروض ان أنهى مرتبى
كاملا ثم بعد هذا هو يساعد ! الغريب فى الأمر انه غير بخيل ابدا بل بالعكس لا ينفق على
نفسه تقريبا الا الضرورى جدا ولكن ما يضايقنى انه معتبر مساعدتى فى المنزل امر
مفروغ منه وفرض على .....وتحملت هذا الامر رغم ضيقى منه انا احب ان أصرف على منزلى
ولكن بارادتى وليس فرضا على حتى جاء يوما رجعت من العمل وانتظرته بعد الغداء وقلت
له :

- شفت يا عمر النهاردة بعد الشغل نزلت انا وواحدة صاحبتى المحلات اللى
جنب شغلى كانت عاوزة تشترى شوية حاجات .....

-
طيب يا حبيبتى وايه المشكلة ؟


- لا أبدا لقيت
شنطة تحفة نازلة فى التخفيض من 70 جنية الى 50 بس واشتريتها على طول ...تتصور دى
جلد طبيعى

- فرد بعصبية :اشتريتيها ؟
وما قلتيش لى ليه قبل ما تشتريها ؟


- فاستغربت
من رد فعله وقلت : عادى يعنى يا عمر يعنى هطلبك أقول لك على حاجة هايفة كده ()
؟
- 50 جنية حاجة هايفة ؟-

يعنى انت زعلان من
المبلغ ولا من انى ما قلتش لك ؟

- الاتنين
....كان لازم تستأذنى منى الاول !


- فصرخت فيه : عمر انت
بتقول ايه دى فلوسى ....انا ما خدتش منك حاجة علشان الزعل ده كله !

- فصرخ فى بعنف : فلوسك
يعنى ايه فلوسك ؟ يعنى أخرس انا ولا ايه ؟


-
انا ماقلتش كده . . بس ازاى يعنى استأذن قبل ما اصرف اى حاجة انت بتهرج
؟

- انا ياستى معقد نفسيا خلاص؟ مش باحب ان
مراتى تمسك فلوس وتزعق فى وتقول فلوسى ومالكش دعوة والكلام ده
....


- ياسلام واشمعنى الكلام ده مش بيتقال لما
باجيب حاجة للبيت ليه مش بتقولى استأذنى ؟ ولا علشان دى حاجة ليا انا ؟
- دى
ضروريات للبيت مش ممكن نستغنى عنها ....انما الشنطة بتاعتك دلع



- والله ادلع نفسى مش
مشكلة ....وبعدين الضروريات دى مسئوليتك انت وانا ان كنت باساعد فى البيت ده مش فرض
على
- والله انا قلت من ايام
الخطوبة تسيبى الشغل علشان وجع الدماغ ده وانتى ما سمعتيش الكلام واللى كنت خايف
منه حصل .....بقيتى بتعلى صوتك على وتقولى فلوسى انا !


- هو انت يا تحبسنى فى
البيت يا تتحكم فى كل مليم ؟ ده انت فعلا معقد على كده



- وانتفض من مكانه
والغضب يتطاير من عينيه وأمسك ذراعى بعنف وصرخ فى : انا معقد ؟!......طيب انا هوريكى العقد اللى بجد من بكرة مفيش شغل ولما
أشوف كلامى هيمشى ولا لأ ؟


- ارتعبت من نبرته
المخيفة وضغطه الرهيب على ذراعى والقسوة التى يتحدث بها فارتجفت وانهمرت دموعى بلا
توقف .........

- فلانت نبرته قليلا وزفر بقوة
وقال : طيب بتعيطى ليه دلوقتى مانتى كمان زعقتى وجننتينى
.........

.................

- كده ياسارة
توصلى حاجة هايفة لحد كده ؟ خلاص بقى حقك عليا ما تزعليش .

-
- فرددت من بين دموعى : لا مش حاجة هايفة ده ربنا قال ذمة مالية
منفصلة للمرأة تيجى انت وتقولى استأذن ؟

- والله
انا عارف ده بس مش قادر أطبقه ماأقدرش استحمل ان مراتى تقولى دى فلوسى وانت مالكش
لازمة طيب اعمل ايه ؟


- مااعرفش والله تعمل ايه
؟

- طيب انتى شايفة انى بخيل ولا باصرف على نفسى
حاجة ولا انتى بتطلبى منى حاجة ومش باجيبها ؟



- فرددت وانا امسح دموعى : لأ .....امال ايه الفيلم ده طيب
؟

- انا يا ستى ما بحبش الست اللى بتعمل كده
....وبعدين انا مش عاوزك تدفعى حاجة فى البيت تانى علشان مش كل شوية تقولى باساعدك
باساعدك


- بقى انا باعمل كده الله
يسامحك ..... وبعدين هو انتى يعنى أحسن من الرسول عليه الصلاة والسلام اللى كان
بيتاجر للسيدة خديجة فى مالها وهى زوجته ولا يخجل من ان يعلن ان ده مال زوجته وفين
؟ فى قريش عز التعصب والجهل ؟


- ياستى انا
مااقدرش اوصل للمنزلة دى .......ولو الموضوع ده هيجيب مشاكل هقعدك من الشغل
فعلا


- من فضلك يا عمر ما تكبرش الموضوع كده
....انا فعلا زعلانة منك جدا ومستغربة تفكيرك جدا
-
حقك على انى انفعلت عليكى انتى عارفة قد ايه بحبك ........لكن مش هقبل ابدا انى
اكون على الرف او حاجة تحصل فى بيتى من غير موافقتى حتى ولو حاجة هايفة قلتى ايه
؟


الرجوع الى أعلى الصفحة اذهب الى الأسفل
hamst atab
Piece Of Heart ♥
Piece Of Heart ♥
avatar

عدد المساهمات : 1396
نقاط : 1593
تاريخ التسجيل : 07/01/2010
العمر : 27
السٌّمعَة : 4
الموقع : www.ahla7ob.hooxs.com

مُساهمةموضوع: رد: يوميات عمر و سارة (2)   الخميس أبريل 01, 2010 5:38 pm


هههههههههههههه

شهر العسل خلص وبدات المشاكل

حلوه الحلقه ديه يانهى وواقعيه جدااا

تسلم ايديكى يانهى

مستنيه الحلقه اللى جايه

_________________


عارف لو كان علية
نفسي أخداك بين ايدية
وفي قلبي أقفل عليك
وعيوني بيك ترتاح شوية


•·.·´¯`·.·• (NaDa ) •·.·´¯`·.·•
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يوميات عمر و سارة (2)
الرجوع الى أعلى الصفحة 
صفحة 2 من اصل 3انتقل الى الصفحة : الصفحة السابقة  1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 :: كلام فى الحب :: كلام عن الحب-
انتقل الى: