سامحنى وانا مسمحاك

أخواتي وأخواني في الله
ممكن كتير يفتكروا ان الموضوع مكانه مش هنا ومكانه القسم الاسلامي
ولكن عندما وردت على بالي الفكرة ملقتش انسب من المنتدى العام عشان اعرضها فيه
لسببين هقولهم وباختصار شديد جدا عشان ادخل في الموضوع
اولهم ان الاقبال على المنتدى العام كبير ماشاء الله بعكس الاقسام الكتابية الاخرى
والثاني ان كل بني آدم خطاء، وخير الخطائين التوابون زي ما قال رسولنا الكريم

يا ترى بقى كم مرة اتكلمنا على بعض من وراء بعض؟
كتــــــــير....صح؟
و ممكن ولا مرة...الله اعلم

قال رسول الله صلى الله عليه وآله وسلم:لما عُرج بي مررت بقومٍ لهم أظفار من نحاس يخمشون وجوههم وصدورهم
فقلت: من هؤلاء ياجبريل ؟
فقال:هؤلاء الذين يأكلون لحوم الناس ويقعون في اعراضهم.

وا مصيبتاه...وبعدين...يعني ايه الحل من الاخر
كـفـارة الغـيـبـة
هي
"ان تعتذر للشخص وتطلب منه مسامحتك , وتندم على اللي عملته"
بس ده صعب شوية وصعب علينا كلنا مش انا بس

في الحالة دي يبقى الحل...إننا كلنا نسامح بعض على كل غيبة أو غلط حصل بيننا سواء كان مقصود او لا...سواء عارفينه او منعرفهوش

حد ممكن يسألني طب ايه الاستفادة اللي هتعود عليا..؟؟!
"صدقة تؤجر عليها , وسبب لمغفرة ذنوبك"

قال تعالى
‏وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ‏(133)الَّذِينَ يُنفِقُونَ فِي السَّرَّاء وَالضَّرَّاء وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ‏(134)
آل عمران

"اللهم إني عفوت عمن ظلمني فمن شتمني أو ظلمني فهو في حِل "
"اللهم إني سامحت كل من أغتابني أو ذكرني بسوء في غيبتي وأسألك في ذلك الأجر والمغفرة بلوغ مراتب المحسنين "

ولاننا شعب بطبعه رغاي ولا نملك من الجرأة ما يجعلنا نعترف باخطائنا امام من اخطأنا في حقه
فلنرفع شعار
"سـامحـوني وانـا مسـامحـكم"

وهكون انا اولكم
ومن داخل صومعتي احب ابعت رسالة لكل بني ادم اتكلمت عليه من غير علمه وهقوله
"سـامحـني وأنـا مسـامحـاك"

تحياتي لكم جميعا ودمتم بود
أختكم في الله

sweet_girl

تسلم ايدك

توبيك رائع جدا جدا

والأهم من كدة إنه حقيقي بشكل كبير

لكن لازم نكون معترفين بأخطاءنا

علشان نعرف نصححها

نورتي المنتدي

مصطفي

نايس توبيك بجد تسلم ايدك

» زمااااااان وانا صغير
» بحبك .. طيب وانا اعمل ايه يعني