يوميات عمر و سارة (2)

زائر

الحلقة الاولى (يوم الزفاف)

أخيرا أصبحت فى شقتى – عشى الصغير احساس جميل ان يكون للبنت بيت خاص
اختارت فيه كل ركن وكل جزء على ذوقها الخاص تفعل فيه ما تريد وتشعر بالفعل انها
ملكة متوجة – اخيرا انتهت الترتيبات والمشاوير والسهر والخناقات يوميات عمر و سارة (2) Scenic

من اجل فرش هذا العش الرائع الصغير – اخيرا انتهى ضجيج الفرح
وتفحص المعازيم فى كأنى هابطة من المريخ وكل واحدة من عواجيز الفرح تمصمص شفايفها
وتقول ( مش كانت بنتى احسن ؟ ) – تعبت جدا من حمل الفستان الثقيل والحذاء الضيق –
سبحان الله هو كل احذية العرايس بتكون ضيقة ليه ؟ يوميات عمر و سارة (2) Old

واخيرا اخيرا ح اكون لوحدى – ايه ده صوت عمر بيقول ( مدام عمر
اجمع عندى بالخطوة السريعة ) يوميات عمر و سارة (2) Excl

! مدام ؟ انا يا بيه ؟؟

- ايه يا ستى سرحانة فى ايه ده
كله ؟؟؟ هو علشان مفيش حد فى جمالك النهاردة يبقى خلاص ؟ لا يا هانم انا لما انده
عليكى تيجى قبل ما انده مفهوم ؟ وبعدين فين القطة علشان ادبحهالك ؟ يوميات عمر و سارة (2) Nunu0000

-انت عاوز تاكل قطط
النهاردة ولا ايه ؟ لو دبحتها ح اطبخهالك فورا يوميات عمر و سارة (2) Excl

!
- تطبخيها ؟ يوميات عمر و سارة (2) Excl

بنات اخر زمن يعنى مش خايفة منى ؟

- لا مش خايفة
فرحانة جدا وانت ؟

- انا أسعد انسان فى الدنيا .... اول مرة بنتكلم انا
وانتى من غير الف محرم وعزول فى بيتنا الجميل بجد البيت رائع ذوقك طلع يجنن يا سارة
لما كل حاجة اتفرشت واجمل ما فيه ان حبيبتى فيه – لا لا مفيش كسوف خالص خلصنا
الحدوتة دى – شوفى انا باقول علشان ربنا يكرمنا فى حياتنا نصلى انا وانتى ركعتين
نبدأفيهم حياتنا علشان ربنا يبارك لنا كل خطوة ماشى ؟

- ماشى يا حبييبى
........
- حبيبى؟ يوميات عمر و سارة (2) Excl

لا يا ستى قومى غيرى هدومك واتوضى احسن كده مش مصليين خالص يوميات عمر و سارة (2) Wub

قمت ودخلت حجرة النوم ولا أدرى عندما دخلتها لماذا
ارتجفت ؟؟ الله يسامح كل البنات اللى رعبونا لما اتجوزوا ليه يعنى هى حرب ؟ انا مش
ح افكر فى حاجة علشان ما اديهاش عياط من اولها ... يوميات عمر و سارة (2) Marsa50

يا خبر ايه كل الجيبونات اللى فى الفستان دى انا كنت
شايلة حديد زى المصارعين مش فستان ... لازم يعذبوا البنات فى كل شىء والله حرام
الغلب ده ... غيرت الفستان باعجوبة وارتديت عباءة جميلة مطرزة ولم أجرؤ ان ارتدى
الطقم الذى اوصتنى أمى ان أرتديه... العالم دى بتهرج أكيد يوميات عمر و سارة (2) Excl

!

وتوضئت فى حمام غرفة النوم وأزلت ماكياج الفرح
وأسدلت شعرى ليراه عمر لأول مرة وخرجت له لأجده غير البدلة وارتدى البيجاما التى
أوصانى العالم كله ان أهديها له وكأن الجوازة ستفشل لو لم تهدى العروس عريسها
بيجاما يوم الزفاف وسيكتب الخبر فى الصفحة الاولى وجدته ينظر لى نظرة كلها اعجاب
وحب يوميات عمر و سارة (2) Icon_redface

واستقبلنى مهللا ( انا عرفت دلوقت ليه الحجاب فرض لو كنتى
بتخرجى بشعرك الجميل ده كانت حصلت مظاهرة .. يالا يا ستى نصلى أحسن كده مش ح ينفع
خالص يوميات عمر و سارة (2) Wub

)

وصليت وراء زوجى لأول مرة واحسست احساس رائع ان زوجى
الامام وان الله شاهد علينا ونحن نبتهل بين يديه ان يرزقنا السعادة والتوفيق ودعا
عمر دعاء طويل وأمنت عليه وانا أدعو من قلبى ان يحقق الله كل كلمة فيه وان يكون
زوجى الحبيب حبيبا طوال العمر والا يفرقنا الا الموت والا يدخل الشيطان بيننا ابدا
..

وانهينا الصلاة وجلسنا واحتضن عمر يدى فى يده لأول مرة فارتجفت وظهر على
ارتباكى وصاحبنى خوفى وواضح ان خوفى كان ظاهر على وكأن عمر قرأ أفكارى فوجدته يحنو
على ويقول :
ايه يا سارة الرعب ده كله .. ايه يا حبيبتى هى حرب؟ ما تخافيش من اى
حاجة خالص ... لو كانت الارتباط مفزع كده ما كانش الاسلام سمى الليلة دى ليلة
البناء - يعنى الزوجين بيبنوا حياتهم فى الليلة دى- وكان سماها ليلة الحرب العالمية
مش كده ويا ستى علشان تطمنى انا عاوز اتكلم معاكى واستمتع ان انا وانتى لوحدنا لأول
مرة ماشى يا قمر ؟ يوميات عمر و سارة (2) Give_rose

.

أحسست بجبل أزيح من فوق صدرى وشكرت تفهم عمر
ورقته المتناهية وتحدثنا طويلا طويلا كأن طوال عمرى لم أتحدث وكان أعذب حديث شعرت
به فى حياتى أتكلم مع زوجى حبيبى وفتحت له قلبى وسقط حاجز الخجل منى وفتحت قلبى
وأخرجت كنز المشاعر التى كنت أخبؤها من يوم ان تشكلت أنثى الى اليوم وأعطيتها الى
الرجل الذى ارتبطت به ووقتها عرفت عظمة الاسلام فى تحريم العلاقات المحرمة
والصحوبية والا كيف تشعر الفتاة بهذا الشلال من المشاعر الفياضة البكر لو كانت ألقت
مشاعرها لهذا وذاك ووصلت الى زوجها وهى مليئة بمرارات التجارب الفاشلة ؟؟؟ ...
وشيئا فشيئا سقطت الرهبة و الحواجز بيننا وتحدثت القلوب والعيون

و....................... سكتت شهرزاد عن
الكلام المباح.................

جـــــميل جداااااااااااااا

بداية مبشرة جدا جدا

أولا كنت منتظر الجزء ده بفارغ الصبر

ثانيا حمد الله علي سلامتك يا نهي
كدة نهي رجعت تااااني ونورت الدنيا كلها

ثالثا ميرسي لأنك لبيتي رغبتي
يا أحلي وأجمل أخت ف الدنيا

رابعا بأة شوية أفراح ف القصة دي
عايزين نهاية حلوة ممكن ؟؟

ميرسي يا قمر

منتظر الحلقة التانية

زائر

اولا :اديني جيبتهولك اهو يا سيدي اي خدعه

ثانيا : الله يسلمك ربنا يخليك يااارب

ثالثا: العفو

رابعا : ههههههههه مش تستعجل بقى

مش هحرق القصه انت هتعرف واحده واحده لازم يكون فيه تشويق Very Happy

خامسا : بجد اتشرفت جدا بردك ويارب تفضل متابع دايما نورتني

انتظرني........

زائر

الحلقة الثانية (
الصباحية )

استيقظت من نومى وانا لا
أدرى اين انا وأخذت أتفحص المكان بدقة يوميات عمر و سارة (2) Dntknw

وانا أبحث عن حجرتى القديمة فلا أجدها ووجدت عمر نائم على السرير
فانتفضت وكدت اصرخ فى وجهه ثم تذكرت كل شىء وأخذت أضحك فى سرى وانا أتذكر أمى وهى
تقول لى ( انتى يا سارة لما بتصحى من النوم ممكن تطلبى البوليس للى قدامك عقبال ما
تعرفى انتى فين ؟)
عندها حق لازم اتخلص من العادة دى مش كل يوم ح أصحى الراجل
مفزوع كده .. وأفقت لأجد ان جرس التليفون يرن من فترة وخرجت على أطراف أصابعى حتى
لا أوقظ عمر ... ووجدتها ماما كما توقعت (الحمد لله انها لم تكن حماتى يوميات عمر و سارة (2) Excl

! )
- صباح الخير يا ست العرايس صباحية مباركة .
- صباح
النور يا حبيبتى .
- انا ما نمتش خالص قلقانة عليكى ..... يوميات عمر و سارة (2) Sheikh

- انا الحمد لله كويسة ( اه لو الامهات تبطل القلق ده )

- يوميات عمر و سارة (2) Excl

!!..... طيب يا سارة احنا ح نيجى لك بعد الضهر شوية
-
تنورى يا ماما ....
طبعا ماما أحبطت من ردى خلاص فعلا حاسة ان لى حياة مستقلة
وانى لست فى حاجة انى أقول كل شىء لماما وبعدين عاوزة ماما تتعود على الوضع ده
علشان ما يحصلش مشاكل بعد كده
ووضعت السماعة لأجد التليفون يرن مرة أخرى( واضح
ان تليفونا هو الوحيد فى مصر يوميات عمر و سارة (2) Excl

! ) لأجد مكالمة مشابهة من حماتى وانهم برضه ح ييجوا بعد الضهر
( والدعوة عامة وحتبقى لمة يوميات عمر و سارة (2) Excl

! )

استيقظ عمر وهو يبتسم
ويقول : ( صباح الفل يا حبيبتى اهو ده الصباح ولا بلاش .. بجد ملكة حتى وانتى صاحية
من النوم )

ابتسمت له وقلت أسد نفسه بسرعة
فأخبرته ان كل العالم ح ييجى لنا بعد الضهر يعنى بعد ساعة تقريبا

ووجدته يقول : يا ستى يشرفوا بس بجد مفروض ان الأهل يسيبوا
العرايس شوية ياخدوا على الوضع الجديد وعلى الحياة الجديدة مش هجوم كده من أولها
ماهم لسه سايبنا من كام ساعة ... حيكون حصل لنا ايه يعنى ؟ وبعدين انا ما نمتش طول
الليل من شخيرك يا سارة يوميات عمر و سارة (2) Excl

!
- شخيرى ؟ وكان ردى ان قذفته
بكل مخدات الأنترية ولقنته درسا لا ينساه فى احترام حرمه المصون اللى هى أنا يوميات عمر و سارة (2) Excl

!
- يا ساتر يا رب ده انتى
شرانية الواحد ما يعرفش يهزر معاكى شوية ؟
- لا يا
سيدى ما عندناش رجالة يهزروا ... يوميات عمر و سارة (2) Beee

يالا تعالى نشوف ح نقدم للجماعة ايه ؟؟ودخلنا المطبخ
وأعددنا ما سنقدمه للضيوف واعدنا ترتيب المنزل علشان الناس اللى ح تيجى تتفرج على
الفرش الجديد وغيرت ملابسى وارتديت طقم جديد وحذاء بكعب عالى لأول مرة وربنا يستر
واعرف امشى فيه ..... وخلاص بقى ح اعيش فى دور المدام ... ووجدت الباب بيرن ووجدت
الاسرتين سوا مش عارفة ازاى ؟ يوميات عمر و سارة (2) Excl

!!
ووجدتنى مفروض على أستقبل حوالى 18 فرد مرة واحدة ليه
كده بس ؟ يوميات عمر و سارة (2) Marsa187

ما علينا المشكلة الأزلية ان الناس اللى بتيجى بتتفرج على كل الشقة حتى المطبخ يعنى
مفروض ان اول ما الناس يشربوا حاجة أغسل الكاسات فورا علشان الفرجة تبقى كاملة
.....
وهكذا وجدتنى تحولت الى نحلة م****ة اشيل وأحط وأغسل وأفرج الزباين أقصد
الضيوف على الشقة حتة حتة ومش عارفة ليه العروسة بتفتح النيش والدواليب وكل الفرش
وكل الأطقم لكل واحد ييجى ؟؟؟؟؟؟؟؟ فعلا حرب مفروض الضيوف ييجوا يقعدوا فى الصالون
فترة بسيطة يوميات عمر و سارة (2) Marsa152

ويلقوا نظرة سريعة على الفرش ويباركوا ويمشوا وخلاص وبلاش التفتيش الذاتى ده ...
لكن تقول ايه الواحد كان اتجوز فى الصين أحسن.

ايه
الشغلانة دى ؟ ده بيت ابويا ما كانش زحمة كدة ؟؟؟؟ الناس دى ح تمشى امتى انا تعبت
وسارة ياعينى ما قعدتش لحظة يوميات عمر و سارة (2) Hlp

ولما جيت أشيل معاها الصوانى ماما قالت لى ( يعنى عمرك ما
ساعدتنى يا عمر ؟ يوميات عمر و سارة (2) Excl

) الحمد لله ان سارة كانت فى المطبخ مش ناقصين نكد يوميات عمر و سارة (2) Madd

!!

وأخيرا أخيرا مشيوا
وانا اكاد أبكى من التعب يوميات عمر و سارة (2) Vava

لأنى اصلا لسه تعبانة من مجهود الفرح حرام الظلم ده ..... يوميات عمر و سارة (2) Marsa50

ووجدت ماما تميل على وهى ماشية وتقول لى خلى بالك من نفسك يا سارة وماتتعبيش نفسك (
مش عارفة ازاى ؟)وعلى فكرة خالك وخالتك واولادهم جايين لكم بعد العصر شوية
.......... وعمة عمر وجوزها واولادها جايين بالليل يوميات عمر و سارة (2) Excl

!!!!!!!!!!!!!!!!!!حراااااااااااااااااااااااااااا
ااااااااااااام

ههههههههههههههههههههه

لالالالالالا حراااااام بجد

بس تمام جدا الفصل ده ميه ميه

الواد عمر ده حاجة كدة زي الفل

منتظر الباقي

ههههههههههههههههههههههههههه

جاااامده جداااااااا يانهى

هو ده بيحصل فعلا والله حراام كده يوميات عمر و سارة (2) Icon_biggrin

منتظره الباقى ياقمر

تقبلى مرورى

زائر

ميرسي ليك يا مصطفى

وميرسي ليكي يا ندى نورتي يا قمر

يارب تفضلوا تتابعونا على طول

انتظروا الباقي

زائر

الحلقه
الثالثه

سارة

يااااااااااه
دى فعلا حرب ايه كل المهنئين دول يوميات عمر و سارة (2) Dntknw

انا حاسة انى كنت عانس مثلا ومصر كلها مش مصدقة انى اتجوزت
فجايين يتأكدوا بنفسهم أحسن تطلع اشاعة يوميات عمر و سارة (2) Excl

ضيوف ضيوف ضيوف ....طول النهار والليل ومفروض أكون طول الوقت مستعدة ولابسة لبس فى
منتهى الشياكة وكعب عالى يوميات عمر و سارة (2) Wacko

حتى لو لطعونا ساعتين تلاتة مش مهم كعادة المصريين يقولوا
لك (حنعدى عليك اخر النهار يوميات عمر و سارة (2) Excl

!) الكلمة دى بتثير جنونى يعنى الساعة كام ؟ وطبعا لازم البيت
يبقى مفيش فيه ذرة تراب او طبق فى الحوض طوال اليوم علشان حملة التفتيش الذاتية
وتكون النتيجة اننا مش عارفين نخرج ولا نتفسح ولا حتى الواحد يقعد على راحته حاجة
تفلق يوميات عمر و سارة (2) Marsa50

!

عمر

هو الجواز ح يطلع مقلب ولا ايه يا رجالة ؟؟؟؟؟ يوميات عمر و سارة (2) Hlp

انا حاسس انى فى الصين الشعبية رجالة
وستات والكارثة فى الاطفال اللى مش بيحلى لهم أكل الشيكولاتة ومسح ايديهم الا فى
الصالون اللى الواحد دافع فيه دم قلبه يوميات عمر و سارة (2) 11Y

.. واللى يفرس أكتر موضوع الهدايا ده كل واحد جت له هدية مش عاجباه ييجى ويديهالنا
وطبعا احنا كمان مش محتاجينها وقليل جدا الهدايا النقدية .. يوميات عمر و سارة (2) Unsure

ده الواحد بقى على الحديدة من مصاريف الجواز والفرح وقلنا ح تفرج من نقوط الفرح
يقوموا يدوها هدايا مالهاش لازمة ؟ ده الواحد كده مش ح يعرف يعمل منظر فى شهر العسل
ولا ايه يوميات عمر و سارة (2) Sad

و مش ح اعرف أفسح سارة فى مكان كويس ؟ شكلها كده ح ترسى على
شقة خالى فى اسكندرية مع سلفة ابوية لا ترد .... وربنا يستر وما تحصلش مشاكل يوميات عمر و سارة (2) Excl

!!!!!!

نقعت رجلى فى ماء وملح من كتر الوقوف وأخذت قرص مسكن
وانا أعانى من علامات كساح مبكر... يوميات عمر و سارة (2) Vava

ونزعت فيشة التليفون كى لا يتصل أحد اخر ويتحفنى بالخبر الميمون (انه جاى فى
السكة!) وأغمضت عينى وجدت عمر يقول لى
:
- ( سلامتك يا حبيبتى من التعب... معلش انا ح اريحك حالا .. يالا قومى
رتبى الشنط ح نسافر حالا يوميات عمر و سارة (2) Excl

! )
-رددت كالملسوعة : ايه أقوم
؟ يوميات عمر و سارة (2) Excl

وكمان نسافر حرام عليك انا ح اموت خلااااااااااص انا مش ح
اتحرك ابدا من هنا. يوميات عمر و سارة (2) Wink

- يا حبيبتى مفيش حل تانى انا خلاص ح اتجنن من كتر
الدوشة لازم نهرب من هنا ونستمتع بشهر العسل انتى ناسية اننا ح نرجع شغلنا بعد
أسبوع ؟
- طيب والفلوس يا عمر ؟
-ولا يهمك يا حبيبتى جوزك اتصرف جيب السبع ما يخلاش يوميات عمر و سارة (2) 11BB

(قصدى جيب والده يوميات عمر و سارة (2) Excl

)
-طيب والناس اللى عمالة تيجى
دى حيتجى ما تلاقيناش ؟
-احسن ... يوميات عمر و سارة (2) Tongue

يبقوا يقعدوا مع البواب ... والله ده انا مسافر مخصوص علشان
اهرب منهم ونكون انا وانتى بس فى الدنيا . يوميات عمر و سارة (2) Beee

- طيب مش أستأذن ماما وبابا
الأول؟
- فنظر الى عمر بغضب هائل يوميات عمر و سارة (2) Madd

وقال لى ( قومى دلوقت يا سارة حضرى الشنط حالا حنسافر بعد ساعة
....قبل ما أفقد أعصابى يوميات عمر و سارة (2) Excl

!)
-
فانتفضت من أمامه لأحضر الشنط فورا وانا لا أعرف ماذا أغضبه الى هذا الحد علشان قلت
أستأذن بابا طيب ما انا لسه مش واخده على دور المدام ده .. واضح انى متجوزة أسد
وانا مش واخدة بالى يوميات عمر و سارة (2) Biggrin

- وفى السيارة أخدت بالى انى أول مرة أركب مع عمر لوحدنا
كان احساس رائع والاجمل انى تركته هو يقود الدفة ويوجهنا الى حيث يشاء
.............احساس جميل بالقاء المسئولية على الرجل وانتى تنعمى بالراحة
والاطمئنان سبحان الله حتى القوامة للرجل التى تغضب منها النساء ما أجملها من
احساس.. يوميات عمر و سارة (2) Wub

وأغمضت عينى ونمت
واستيقظت لأجد نسيم الاسكندرية الرائع وعمر يوقظنى كطفلة
صغيرة ويقول لى (قومى بقى يا عروسة ... يوميات عمر و سارة (2) Give_rose

.
وصلنا شقة خالى اللى حكيت لك عنها
.......)
وصعدنا الشقة ووجدتها صغيرة لكن مشرقة وجميلة وأخذ عمر يفرجنى
على جميع الغرف وخرجنا البلكونة لنستمتع بمنظر البحر الرائع ولكنى وجدت فتاة جميلة
وجذابة ذات شعر حريرى وقوام ممشوق فى مثل سنى تقريبا فى البلكونة المجاورة لنا
تماما صاحت عندما رأت عمر وقالت بدلال كبير :

( حمدالله على السلامة يا عمر مش كنت تقول لى انك جاى ؟
.كده انا زعلانة منك

ثم
انتبهت أخيرا الى الحشرة الموجودة بجواره اللى هى اناوقالت بتساؤل ممزوج بغضب يوميات عمر و سارة (2) Nunu0000

( مين دى يا
عمر (؟؟؟؟؟؟؟؟؟؟؟ يوميات عمر و سارة (2) Excl

!!!!!! )

ههههههههههههههههه

حلوه اوى يانهى كالعاده طبعا

بس مين البت ديه ؟؟؟؟

عايزه اعرف بسرعه يوميات عمر و سارة (2) Icon_biggrin

فعلا حلقه جامد يا نهى هيا طلعت مين ديه ياعمر

أوبااااااااااااا

لا لا لا لا لا لا لا لا لا

أنا ثقتي ف الواد عمر ده كبيرة

إيه يا سارة عادي جيران ومتربيين سوا اكيد !!! يوميات عمر و سارة (2) Icon_sad

ههههههههههههههههههههه

الله يكون ف عونك يا عمور يوميات عمر و سارة (2) Icon_razz

ياريتك ما سفرت

علشان تبأة تعمل راجل أوي يوميات عمر و سارة (2) Icon_lol

زائر

ههههههههههههههههههههه

ميرسي يا ندا هتعرفي مين البت دي

ميرسي يا محمد نورت

ميرسي يا مصطفى وهتعرف كل حاجه

نورتوني يارب تتابعوا على طول

انتظرووووا الجديـــــــــــــــد

زائر

الحلقة الرابعة

وقفت ارتجف من الغضب والدهشة والحيرة يوميات عمر و سارة (2) Madd

من هذه التى جاءت لتهدم أحلامى فى السعادة وتحادث حبيبى بكل
هذا الدلال يوميات عمر و سارة (2) Wub

والذى يحمل فى طياته الكثير من الذكريات المشتركة بينهما ..... من اولها كده ياربى
؟ !

لا اقدر حتى على
المواجهة يوميات عمر و سارة (2) Dntknw

اشعر ان كلامى سيكون صراخا يوميات عمر و سارة (2) Scenic

وانا لا أحب ان تسمع الانسة المبجلة الملاصقة لنا انى اتشاجر معه بسببها فهى هكذا
ستشعر بانتصار .... يوميات عمر و سارة (2) 11BB

نظرت لعمر نظرة نارية تحمل غضب العمر كله وتركته ودخلت لحجرة
النوم ووجهى مشتعل من الغضب يوميات عمر و سارة (2) Madd

وأخذت اغرز اظافرى فى الوسادة حتى كادت ان تتمزق من ضغط يدى
وانا أغالب الدموع بشدة .. يوميات عمر و سارة (2) 11Y

فتبعنى عمر ووضع يده برقة على كتفى وقال لى بكل براءة ( مالك
يا سارة فيه حاجة؟ يوميات عمر و سارة (2) Excl

)
فنظرت اليه نظرة نارية يوميات عمر و سارة (2) Madd

وأزحت يده من على كتفى وصرخت فيه ( وكمان بتسأل مالك ؟ انا
اللى عاوزة اعرف مين الهانم دى وازاى تكلمك بالدلع ده كله ؟ يوميات عمر و سارة (2) Nunu0000

وايه اللى كان بينك وبينها او يمكن لحد دلوقت كمان يوميات عمر و سارة (2) Excl

)
-رد باستنكار ( لحد دلوقت ؟
حاسبى يا سارة انتى كده بتغلطى! )
- طب يا سيدى ما تزعلش ايه اللى كان
بينك وبينها .. يالا احكى لى انا نفسى اشوف فيلم رومانسى من زمان يوميات عمر و سارة (2) Give_rose

.... واوعى تقولى مفيش حاجة من فضلك انا مش طفلة قدامك يوميات عمر و سارة (2) Excl

!
- رد برفق كأنه خائف على ان اموت من
فرط ثورتى : طيب ممكن تهدى نفسك علشان نعرف نتفاهم ؟ يوميات عمر و سارة (2) Unsure

- رددت وانا ارتجف : مش ح اهدى الا لما تقول لى كان
فيه حاجة ولا لأ ؟

- صمت
طويلا قبل ان يجيب بصوت لا يسمع : ايوة كان فيه يوميات عمر و سارة (2) Excl

!!!!!

- انهرت عندما سمعت هذه الكلمة الكريهة يوميات عمر و سارة (2) 11Y

وتمنيت ساعتها لو كان كذب على او انكر او فبرك لى اى حكاية يوميات عمر و سارة (2) Wink

وانا كى ارضى غرورى الانثوى سأبتلعها لكن ان يعترف امامى هكذا ... ولم استطع ان
اواصل التفكير أكثر فانهارت دموعى بلا توقف يوميات عمر و سارة (2) 11Y

.... وأخذنى عمر وهو يهدهدنى كطفل صغير يرفض النوم ... وقال لى
:

الحمد لله انا عرفت دلوقت
حاجتين انك مجنونة يوميات عمر و سارة (2) Wacko

وعرفت انك بتحبينى جدا يوميات عمر و سارة (2) Wub

والا ايه لازمة الجنان اللى انتى عاملاه ده ؟
وهممت ان أرد ولكن أغلق فمى بيده وهو يقول : بصى ياسارة لغة
الصراخ دى مش ح توصل لحاجة ابدا انا ح أقول لك على كل حاجة بس لما تهدى الاول خلاص
؟ يوميات عمر و سارة (2) Sad

-
مسحت دموعى كالاطفال وانا اقول اتفضل احكى بس اياك تكدب يوميات عمر و سارة (2) Excl

!

-
مسح دموعى برفق وقال لى : يا حبيبتى ما كنت كذبت من الاول وخلصت من الفيلم ده وضحكت
عليكى وخلاص ... يوميات عمر و سارة (2) Tongue

بصى يا ستى انتى عارفة ان دى شقة خالى من زمان جدا ومن واحنا
اطفال واحنا بنيجى نصيف هنا وساعات نقضى بالشهرين هنا وانتى شايفة ان الشقق لازقة
فى بعض وطبيعى جدا ح يكون لينا علاقة بالجيران وشيرين يا ستى بنت الدكتور محمود
جارنا خريجة ألسن وخريجة مدارس لغات وبنت مثقفة ودماغ و جميلة زى ما انتى شفتى
.. يوميات عمر و سارة (2) Dntknw

- من
فضلك بلاش الغزل ده قدامى انتوا متفقين على ولا ايه ؟ يوميات عمر و سارة (2) Icon_redface

- لا
ياحبيبتى ده انتى حبى وعمرى كله والله ... المهم انا ياستى حسيت فى فترة من الفترات
انى ميال لها وهى كمان بادلتنى نفس الشعور بس عمرى ما حسيت انه حب مكتمل كل ما كنت
اجى اخد خطوة ارجع خطوتين حتى انى لم اصارحها ابدا بحبى لأنى ما تأكدتش ابدا من
مشاعرى تجاهها ولم تشعرنى هى ابدا بالاستقرار

- لا ادرى لماذا وقتها بعدت الغيرة الحارقة قليلا وشعرت
انى احادث صديقا يقص على مشكلة وليس زوجى وسألته : ليه كانت ايه المشكلة بينكم
؟ يوميات عمر و سارة (2) Sad

- المشكلة كانت جرأتها الشديدة وانها دائما مقتحمة
وتكلم اى شاب او رجل بمنتهى البساطة والود يوميات عمر و سارة (2) Marsa152

ولو ما كنتش عارف اخلاقها وتربيتها واسرتها لشكيت فى اخلاقها .... ولكن تكوينى كرجل
شرقى متدين ماقدرتش انى اقبل وضع زى ده وكلمتها عدة مرات ولكن بلا فائدة فثقافتها
وطريقة دراستها وتربيتها المميزة تجعلها شديدة الثقة بنفسها حتى لا ترى ان حاجز
الحياء فى الفتاة له مبرر ... وهكذا أخذت قرار نهائى بالابتعاد وخاصة انى لم اكلمها
فى شىء صريح عن مشاعرى وابتعدت عن هذه الشقة لمدة عامين حتى لا اراها .. ودخلتها
فقط فى شهر العسل اللى حبيبتى عاوزة تقلبه غم يوميات عمر و سارة (2) Excl

- هدئت دموعى وانا أشعر بحرارة
صدق كلامه لأنه لم يكن مضطر ان يخبرنى كل هذه التفاصيل لو لم يكن صادقا : طيب يعنى
حبيتها بجد ؟ يوميات عمر و سارة (2) Unsure

- أجاب بسرعة : لا والله
بجد كان مجرد انجذاب مش حب والا كنت اتغاضيت عن عيوبها وخطبتها .... انا ما حبتش فى
حياتى الا مجنونة واحدة عمالة تعيط زى الاطفال يوميات عمر و سارة (2) Excl

- امال بتكلمك كده ليه زى
ماتكون مراتك يوميات عمر و سارة (2) Hlp

وقفشتك مع واحدة تانية ؟

- يا بنتى ماهى اسلوبها كده أعملها ايه يعنى ؟ خلاص بقى
يا سارة هو احنا نخلص من الضيوف تطلع لنا الست هانم دى ؟ سبحان الله ده انا سمعت عن
شهر العسل ده حواديت الف ليلة وليلة ... واضح انك اخدت مقلب يا واد يا عمر يا ريتك
كنت اتجوزت شيرين يوميات عمر و سارة (2) Excl

!

-
شيرين ؟! طيب روح لها بقى يا أخويا خليها تنفعك يوميات عمر و سارة (2) Excl

!

وأخذت أدفعه خارج الحجرة يوميات عمر و سارة (2) Tongue

وأغلقت الباب على نفسى من الداخل وانا أشعر ان جبل قد أزيح من على صدرى يوميات عمر و سارة (2) Biggrin

وانى ضخمت الموضوع بغباء قبل ان اعرف الحقيقة ... كم هى قاسية
الغيرة وكم أعشق هذا الرجل الاسمر بجنون يوميات عمر و سارة (2) Excl

- افتحى
يا سارة الله يهديكى ... يا بنتى افتحى انا تعبت ... طيب علشان خاطرى ... ده الضيوف
أهون يا شيخة ... يا مجنونة افتحى ... طيب يا سارة خلاص براحتك انا هنزل شوية بس
خلى بالك الاوضة اللى انتى فيها دى كان دايما فيها فار يوميات عمر و سارة (2) Excl

!... باى يا حبيبتى بقى يوميات عمر و سارة (2) Excl

-
وطبعا فتحت الباب كالملسوعة وانا اصرخ فاااااااااار يوميات عمر و سارة (2) Marsa187

وأجرى كى ألحق عمر قبل ان يتركنى مع الفار وحدى نقضى شهر العسل سويا يوميات عمر و سارة (2) Excl

وخطوت خطوة واحدة .. وجدت نفسى بين ذراعيه وهو يضحك يوميات عمر و سارة (2) Biggrin

ولم أستطع الهرب ولا الكلام.............وووووووسكتت شهرزاد عن الكلام المباح
............... يوميات عمر و سارة (2) Wub

هههههههههههههههههههههههههه

ايوة كدة يا عموووور قشطة عليك

لالالالالا الواد ده دماااااااااغ

إيه الحب ده والجمال ده

ماشاء الله بجد

تمااااااااام يا ست نهي

الفصل ده جااااااااااااااااااامد

منتظرك بشدة

هههههههههههههههههههههههههه

ظلمنا الولا عالفاضى يوميات عمر و سارة (2) Icon_biggrin

حلو اوى الفصل ده يانهى

منتظره الباقى طبعا

هههههههههههههههههههههه

ظلمنا الحاج عمر

بس سار طلعت زي الاطفال

فين البااااااااقي؟؟؟؟؟؟؟؟؟

زائر

الحلقة
الخامسة

الحمد لله
انى لم اتزوج واحدة مجنونة تخنقنى بغيرتها وخناقها وعصبيتها .... يوميات عمر و سارة (2) Engry1

فعلا الثقافة والقراءة بتفرق جدا فى عقلية البنت .... لو كانت
سارة واحدة دماغها فاضية من بتوع الموضة وخلاص كانت قلبت دماغى على حكاية
شيرين وقلبت بوزها 6 سنين يوميات عمر و سارة (2) Marsa150

وكل ما هنشوف واحدة حلوة هتبص لى زى المخبرين فى قسم البوليس ما بيصطادوا مجرم
وهاتك يا تحقيق .... يوميات عمر و سارة (2) Marsa138

بجد لو كانت عملت كده ما كنتش هحكى لها حاجة ابدا بعد كده واريح دماغى وخلاص ...
ربنا يهديكى يا سارة وتفضلى عاقلة كده يوميات عمر و سارة (2) Excl

!

منظر
البحر ساحر والاحلى انى مع حبيبى ولا اخاف ان يرانى أحد بل بالعكس اتمنى ان يعرف
جميع الموجودين على الشاطىء انى عروسة فى شهر العسل من فرط سعادتى واحساسى بالراحة
.. يوميات عمر و سارة (2) Wub

مر على أجمل اسبوع فى حياتى كله فسح وخروج وسهر وحب فى حب ...مش عاوزة ابعد عن عمر
ولا ثانية .... يوميات عمر و سارة (2) Icon_redface

فعلا لازم يسموه شهر عسل قصدى اسبوع عسل بس يا
خسارة ده اخر يوم ونعود الى القاهرة غدا ... يوميات عمر و سارة (2) Shv

نظرت الى عمر فوجدته شارد يفكر ... ياترى بتفكر فى مين يا عمر ؟ يوميات عمر و سارة (2) Unsure

فى شيرين ؟ مش معقول كفاية تفاهة بقى يا سارة واياكي تفتحى
الموضوع ده ابدا ... انا ما صدقت انى كسبت نقطة وخليته يثق فى كصديقة عاقلة قبل ما
اكون زوجة غيورة بس بجد كنت هموت من الغيرة يوميات عمر و سارة (2) Wink

... بس يعنى لو صرخت وبوذت وخاصمته ح اخليه ينسى اى واحدة ومايبصش لواحدة غيرى مش
ممكن طبعا ده ح يبعد عنى اكتر .... لا ياسى عمر ده انا ح اكون قدامك ووراك وجنبك
وفى كل مكان حتى تحت جلدك ... ده انا عاملة لك حتة خطة الليلة دى يوميات عمر و سارة (2) Scenic

مش هتخليك تفتكر لا شيرين ولا سعدية وتحلف ان مفيش فى الدنيا بنت غيرى .... بس
استنى على يوميات عمر و سارة (2) Excl

!!!

المصاريف خرمت خالص يا واد يا عمر يوميات عمر و سارة (2) Heat

! وباين علينا هنقعد قدام المرسى ابو العباس نكمل الاسبوع ...
فطار وغدا وعشاء برة البيت ده غير الفسح يوميات عمر و سارة (2) Marsa152

ماشاء الله على الشحاتة المتوقعة ..الحمد لله ان العربية فيها بنزين ترجعنا مصر
بكرة ان شاء الله وراجع جرى على بيت السيد الوالد طبعا علشان منحة ابوية تانية حاجة
تكسف بجد .... يوميات عمر و سارة (2) Icon_redface

بس الحقيقة كان اسبوع يجنن كان نفسى يبقى شهر دول العزاب
دول غلابة ياعم يوميات عمر و سارة (2) Excl

! قال ويقول لك محلاها عيشة الحرية يوميات عمر و سارة (2) Excl

! ده قصر ديل يا باشا يوميات عمر و سارة (2) Mosking

-
ايه يا سى عمر انا هموت من الجوع يوميات عمر و سارة (2) 2

وانت اخر طناش ايه خير ؟ انت هتصوم الستة البيض من النهاردة
؟
- يا ساتر يارب مش انا لسه يا
بنتى مفطرك من 8 ساعات يوميات عمر و سارة (2) Excl

! ده انتى ح تاكلينا لما نروح يوميات عمر و سارة (2) Excl

- ياباى
على الغلاسة .. يوميات عمر و سارة (2) Tongue

يابنى هموت من الجوع والناس اللى جنبنا دول ما بطلوش اكل من ساعة ما وصلوا وحتى
الست صعبت عليها لما لقيتنا مدينها ترمس ولب من ساعة ماجينا قامت عزمت على بطبق
محشى وانت بتصلى العصر ... بس انا عملت فيها العروسة الشيك وقلت لها ميرسى يا طنط
... يا خسارة المحشى يوميات عمر و سارة (2) Excl

!

-
محشى ؟ يوميات عمر و سارة (2) Excl

ياريتك جبت لنا طبقين ... دى الفلوس اللى معانا يادوب تأكلنا كشرى واحتمال مفيش
عشاء كمان يوميات عمر و سارة (2) Kap

... لازم يخلوا العرايس يطبخوا فى شهر العسل علشان العرسان ما تشحتش يا
حبيبتى .

- طيب هنموت من الجوع ولا ايه النظام ؟ فهمنى علشان اروح الحق طنط بتاعة المحشى بسرعة دول
دخلوا فى المسقعة يوميات عمر و سارة (2) Excl

!

- لا
يا ستى اخر وجبة هناكلها هنا وأمرى الى الله هنروح ناكل فى مطعم قريب من البيت
وبعدين بالليل فيه ناس قرايبنا هنا ابنهم عمل حادثة يوميات عمر و سارة (2) Icon_sad

وهضطر اروح أشوفه شوية ... تحبى تيجى معايا ولا بتخافى من
المستشفيات ؟

- لا باخاف
روح انت ... وبعدين عاوزة أحضر الشنط وانام بدرى النهاردة معلش يا عمر لو جيت
ولقيتنى نايمة ما تصحنيش علشان خاطرى ...

- ياسلام ؟ لا والله ؟ كده يا سارة ... وتسيبينى أسهر
لوحدى ؟
- معلش يا عمر بجد
تعبانة وعاوزة انام بدرى الظاهر هاخد دور برد ... ما تزعلش علشان خاطرى
...
- لا يا حبيبتى خلاص ...
انا عاوزك ترتاحى ... بس افتكريها يوميات عمر و سارة (2) Excl

!

-
اخيرا عمر مشى يوميات عمر و سارة (2) Gun

وراح المشوار بتاعه قدامى حوالى 3 ساعات علشان أرتب أجمل ليلة هيعيشها فى عمره ...
رتبت الشنط بسرعة جدا وكلمت حلوانى مشهور فى اسكندرية لأؤكد حجز تورتة حجزتها من
امس على شكل قلب احمر ومكتوب عليها اسمينا انا وعمر وعليها كلمة ( الى حبيبى ....أحبك !)

ثم أخرجت صندوق المفاجات الذى كنت محضراه من القاهرة
والذى رفضت ان يطلع عليه احد حتى امى ... وأخرجت منه مجموعة من الشموع الحمراء
والوردية ووزعتها فى جميع انحاء المنزل ... لن أوقدها الا عندما يأتى حبيبى
...
ومجموعة من الورود المجففة جميلة الشكل نثرتها على الارضية بشكل أسهم تشير
الى غرفة نومنا ... وثم مجموعة من البطاقات الوردية والملونة التى كتبت عليها
عبارات غرامية اليه ووزعتها فى كل المنزل بشكل مرتب ومتسلسل ...

ثم دخلت
الحمام وأخذت شاور سريع ... يوميات عمر و سارة (2) Vishenka_07

ثم ملأت البانيو بماء ساخن ورغاوى صابون منعشة لعمر عندما يأتى ونثرت فوق المياة
مجموعة من القلوب الحمراء الطافية .. يوميات عمر و سارة (2) Wub

وكتبت على مراية الحمام بالروج بخط صغير ( كان أجمل اسبوع عسل فى العالم يا حبيبى ...)
ثم دخلت
الى حجرة النوم ورتبتها ورشيت معطر جو لم استخدمه من قبل ولم انسى الشموع طبعا ...
ثم ارتديت طقم جديد ساحر كنت أخفيه...هكذا سينسى اى امراة اخرى سواى وليس بالنكد
... يارب ارضى عنا ..

عمر يركن سيارته تحت المنزل الحمد لله
اننا فى الدور الخامس امامى وقت لبقية الخطة ... يوميات عمر و سارة (2) Close_tema

وضعت التورتة فى الصالة وحولها الشموع ليراها اول ما يدخل .... ورتبت البطاقات
وأغلقت انوار الشقة كلها وتركت باب الشقة مفتوح قليلا ودخلت أختبىء فى غرفتى
...

ايه يا سارة ده
انتى نمتى وسبتى الباب مفتوح ؟ ربنا يستر ... ايه ا لنور مقطوع ولا ايه ؟ سارة انتى
فين ؟ ايه ده ايه ده انا مش مصدق عينى ... مش ممكن ... الله الله لا يمكن انا اكيد
فى حلم ... سارة انتى فين ؟ ايه التورتة الرهيبة دى ؟ يااااااااااااااه ده انا حاسس
انى ملك .... ساااااااااارة ...
وايه الكروت اللى على الارض دى ؟
اول واحد
مكتوب فيه( ... لو كنت بتدور على اتبع الاسهم يوميات عمر و سارة (2) Excl

) ااه ده فيه اسهم بالورود على الارض كمان ايه الرقة دى
؟ ... واللى بعده مكتوب عليه ( حد يمشى ورا الاسهم برضه ؟ امشى
ورا قلبك يا حبيبى وانت تلاقينى .. يوميات عمر و سارة (2) Excl

)
ودخلت الحمام وجدته مجهز لملك او امير بجد بحبك يا سارة ... انتى فين
يا حبيبتى ... اكيد هنا فى اوضتنا وكمان كارت على باب الحجرة مكتوب عليه ( انا بحب احلى رجل فى الدنيا ... هو انت ) ...
وفتحت
الحجرة لأجد سارة تنتظرنى فى أجمل صورة ممكن ان اتخيلها .. أميرة وسط الشموع
والورود ... هل ممكن ان ترضى زوجة رجلها بهذا الشكل الا زوجتى الرائعة .... وسكت
شهريار هذه المرة عن الكلام المباح يوميات عمر و سارة (2) Excl

!!!!!!!!!

واااااووووووووووووووووووووووووووووو

الحلقه ديه جامدة اخر 3 حاجات

ورومانسيه طحن

ويارب كل البنات تستفاد من الحلقه ديه وتتعلم من سارا

BravOoOoOoOoOoO Ya NoNa

الله الله يا بختك يا عم عمر

الله يسهلوا يا عم يوميات عمر و سارة (2) Icon_biggrin

محدش أدك

طاب مش شغلوا عمرو دياب أغنية
الليلادي ولا إيه ؟؟
ههههههههههههههههههههههه

حلقة تووووحفة يا نهي
جميلة جداااااااااااااااا
الله ينور كدة بجد

منتظرك طبعااااا

ايه الرومانسيه دى كلها يانهى

بجد حلقه جااامده مووت

تسلم ايديكى يانونا

منتظره الحلقه اللى جايه بس تكون رومانسيه بردوه يوميات عمر و سارة (2) Icon_biggrin

زائر

ميرسي ليكم

يارب تفضلوا متابعين

انتظروا الجديــــــــد

زائر

الحلقة
السادسة

-(انا بس عاوز أعرف اشتريتى كل الحاجات دى امتى ولحقتى ترتبى كل ده
ازاى ؟ يوميات عمر و سارة (2) Wub

) قالها لى عمر ونحن فى السيارة عائدين الى القاهرة .. قالها وهو يشعر
بالفخر الرجولى يوميات عمر و سارة (2) 11BB

ان زوجته اعدت له ليلة من الف ليلة من اجله هو فقط
...

-رديت عليه بدلال يوميات عمر و سارة (2) Icon_redface

وانا أغالب النوم بشدة : ( ده سر المهنة يا سيدى ... المهم تكون سعيد وراضى عنى !)
يوميات عمر و سارة (2) Biggrin

-(ربنا يخليكى ليا يا حبيبتى .. ويارب تفضلى كده على طول .. وانا كمان محضر
لك مفاجأة ... ماما اتصلت وقالت انها عازمانا على الغداء دلوقتى حالا اول ما
نوصل يوميات عمر و سارة (2) Heat

!!)
ياااااااااااسلااام على
المفاجأت الحلوة يوميات عمر و سارة (2) Excl

ايه الهنا ده بداية تفرح بصحيح يوميات عمر و سارة (2) Excl

ده وقته ياربى ؟ يوميات عمر و سارة (2) Engry1

الواحد يستعد لوصلة حرق دم محترمة يوميات عمر و سارة (2) Excl

.... رددت هذا فى سرى بالطبع ويبدو ان علامات خيبة الأمل كانت
ظاهرة على وجهى يوميات عمر و سارة (2) Icon_sad

فسألنى عمر : ( مالك يا سارة ؟ انتى مش
مبسوطة ولا ايه من المفاجأة ؟)
- رديت بسرعة : (لأ ازاى ده انا ح اطير من
الفرحة دى طنط وحشتنى جدا .. بس كنت قولى علشان البس طقم حلو اروح بيه يوميات عمر و سارة (2) Excl

!)
- انتى كده قمر وبعدين ماما مش بتهتم بالحاجات دى خالص
يوميات عمر و سارة (2) Excl

واخيرا وصلنا لبيت حماتى العامر وبعد الترحيب الرهيب بعمر كأنه راجع من
الحجاز حالا على جمل ...ثم بعد ساعة سلمت على بفتور : ( اهلا
ياسارة .. أخبارك ايه . .. وشك نور على الجهاز أوى ... يوميات عمر و سارة (2) Excl

) ثم رمقتنى بنظرة متفحصة يوميات عمر و سارة (2) Marsa150

من فوق لتحت وقالت بامتعاض انتى مش جايبة هدوم حلوة فى الجهاز
ولا ايه يا سارة ؟!)
- ذبت من الخجل من قذيفتها القوية يوميات عمر و سارة (2) Marsa138

وقلت فى سرى ( مش بتاخد بالها خالص خالص يوميات عمر و سارة (2) Excl

الله يسامحك يا عمر يوميات عمر و سارة (2) Excl

)
وهممت ان أرد ولكن أنقذنى عمر بسرعة ورد عليها : (
دى سارة عندها هدوم تجنن ياماما .. يوميات عمر و سارة (2) Scenic

بس احنا جايين من السفر عليكى على طول وكنت عاملها مفاجأة ليها يوميات عمر و سارة (2) Excl

)

لم يعجبها بالطبع دفاع عمر عنى فردت بفتور
طيب يا سيدى السفرة جاهزة .. اوعى تكون نسيت أكل أمك خلاص يوميات عمر و سارة (2) 2

وجلسنا نأكل وهى منهمكة فى الحديث مع عمر بشوق شديد وتحكى له كل
ماحدث فى الأسبوع اليتيم الذى قضيناه بعيدا عنها وكأنه كان عاما كامل يوميات عمر و سارة (2) Wink

...وكل فترة طويلة تتذكر ان فيه شىء معاهم على السفرة فتلقى لى كلمة او كلمتين ثم
تواصل حديثها الدافىء مع حبيبها الاوحد ابنها الوحيد الحبيب... يوميات عمر و سارة (2) Unsure

دعوت الله فى سرى ان تنتهى هذه العزومة سريعا كى
أصل شقتى وأفرغ حقائبى وأناااااااااااااااااام لأنى تقريبا لم أنم أمس مع السفر
وارهاقه ... يوميات عمر و سارة (2) Hlp

وبينما انا فى أفكارى رن موبيلى ووجدتها أمى وطرت الى البلكونة لأرد عليها

- الو يا ست العرايس
نموسيتك كحلى ... انا مش عاوزة أكلمك من الصبح علشان ما أقلقكوش يا حبيبتى ... يا
ترى ح ترجعوا امتى ؟ يوميات عمر و سارة (2) Sad

- رددت ببراءة : لا ما احنا
وصلنا من ساعتين يا ماما ما تقلقيش ...
- طيب يا حبيبتى أسيبك ترتبى شنطك وترتاحى شوية وأكلمك
بعدين ....
- لا يا ماما انا مش
فى شقتى ... انا عند حماتى يوميات عمر و سارة (2) Excl

!
- حماتك
؟ يا سلام جاية جرى من اسكندرية عليها يوميات عمر و سارة (2) Excl

!ولا حتى هان عليكى تعدى على امك ولو خمس دقايق ؟! متشكرة يا
سارة يوميات عمر و سارة (2) Madd

... ربنا يخليهالك ماهو خلاص الجواز
بينسى الأهل ... الف شكر يا بنتى مع السلامة يوميات عمر و سارة (2) 11Y

-
استنى بس يا ماما ... يا ماما ... يا ماما ياربى أعمل ايه فى الحدوتة دى ..هو عمر
السبب فى المشكلة دى كان لازم يقول لى من امبارح أقوم امهد لماما علشان ما تزعلش
منى كده ... يوميات عمر و سارة (2) Icon_sad

فاجأنى عمر من خلفى وهو يهمس لى ( ايه شهرزاد قاعدة
لوحدها ليه ؟ ... وحشتينى يوميات عمر و سارة (2) Excl

)- رددت بعنف يوميات عمر و سارة (2) Engry1

: (بلا شهرزاد بلا نيلة يوميات عمر و سارة (2) Excl

انت عملتلى مشكلة كبيرة مع ماما يا سيدى )
- ( مشكلة يوميات عمر و سارة (2) Excl

! ليه يا بنتى هو انا شفتها اصلا ؟)
- (زعلت يا سيدى
لما قلت لها اننا هنا وافتكرتنى نسيتها وبفضل اجى بيتكم هنا قبل ما اروح اسلم
عليها ... كان مفروض تقول لى من امبارح يا عمر أقوم اعرف اتصرف يوميات عمر و سارة (2) Excl

)
- (يا سارة ما انا قلت لك انى انا
نفسى اتفاجأت وماما كلمتنى الصبح قبل ما نسافر مباشرة ... وبعدين يا ستى ولا تزعلى
نروح لها دلوقتى ونصالحها حالا ... هو انا عندى كام ام سارة ؟)
- فرحت
وانا اهتف ( ربنا يخليك ليا يا حبيبى )
وطبعا دخلت حماتى علينا وهتفت با ستنكار
يوميات عمر و سارة (2) Nunu0000

( خلاص مش قادرين على فراق بعض ؟ يوميات عمر و سارة (2) Excl

طيب الظاهر ان انا اللى عزول واطلع منها )

فضممت امى الى صدرى هى الاخرى وانا اقول لها ( ده انتى
الخير والبركة يا حبيبتى ) يوميات عمر و سارة (2) Wub

وانا اهمس فى سرى يا ربى على صغر عقل الستات والغيرة اللى تنقط
... لأ والهنا ان امى كمان بتغير زى ما تكون مراتى التانية ... وحماتى غيرانة علشان
رحنا لماما وهى لأ ... يوميات عمر و سارة (2) Marsa138

)
ما شاء الله عليك يا واد يا
عمر كلها كام شهر جواز وتحجز جناح فى السراية الصفرا عدل ....

طيب يا طنط معلش احنا مضطرين نمشى علشان لسه ح نعدى على
ماما نسلم عليها ) قلتها ببساطة وندمت عليها من رد فعلا حماتى الغاضب تمشوا هو انا
لحقت أقعد معاكم ... يوميات عمر و سارة (2) Madd

هو انتو جايين تقضية واجب وخلاص ؟ الظاهر ان انا فارضة نفسى عليكم ... طيب يالا ماتعطلوش نفسكم يوميات عمر و سارة (2) Excl

)
نظر لى عمر بغضب وكأنه يقول لى فتحتى بقك انتى ليه ؟ وأخذ يهدأ من أمه
ويبرر لها انه لابد ان ينام بدرى لأن بكرة وراه أشياء كثيرة الخ الخ الخ
وأخيييييييييرا جدا انتهت الزيارة
واستعدينا للمعركة الثانية فى بيت ماما... يوميات عمر و سارة (2) Shv

وفى
السيارة قال لى عمر بهدوء : ( بصى يا سارة ما تزعليش من ماما وانا كمان مش هزعل
من والدتك لو عملت حاجة ... كل واحدة فيهم فجأة فلذة كبدها اتخطف منها من انسان
غريب فلازم فترة يعاملوا فيها الغريب ده بحذر ويمكن غلاسة لحد ما يبدأوا يحبوه فعلا
ويتأقلموا على الوضع الجديد ولازم نكون احنا الشباب أعقل وصدرنا اوسع ... بس اوعى
تعرضى نفسك لماما يعنى اى حاجة خلينى انا أقولها وكأنها فكرتى انا علشان تتقبلها
ونفس الشىء مع والدتك علشان نقلل الخساير بقدر المستطاع .. ماشى يا قمر ؟ ) يوميات عمر و سارة (2) Give_rose

- (
خلاص يا حبيبى اتفقنا ) وفى سرى
قلت ده الجواز ده عاوز نفس طويييييييييييييييييل ودماغ كبيرة جدا ربنا يستر يوميات عمر و سارة (2) Excl

!

هههههههههههههههههههههه

ال حماتي ملاك ال

إيه النسوان دي

الفصل ده لو اتشال مش هيحصل مشكلة

ههههههههههههههههههههههههه

بس برده كل ده بيثبت حيهم يوم بعد يوم

تمااااااااام يا ست نهي

منتظرك

هههههههههههههههههههههه

شغل الحموات ابتدى ربنا يكون في عونهم

فين اللي بعده؟؟؟؟

هههههههههههههههههههههه

ياساتر يارب على الحموات

ربنا يكفينا شرهم يوميات عمر و سارة (2) Icon_biggrin

منتظراكى ياقمر

» يوميات عمر وسارة....
» يوميات أشقى بنات فى الدنيا